“النهاردة هاحكي لكم عن علامة من علامات شواطئ إسكندرية زماااان ”
تعالوا بينا نعرف إيه هي⁉️
كان يا ما كان .. زمااان لما كنا بننزل البحر في أي شط من شواطئ إسكندرية..
كنا دايمًا بنشوفه مستنينا على الرملة..
قارب صغير، مسطح، خشبي، منحني شوية من تحت، ومرسوم عليه ألوان تفرح القلب..🛶
بمجداف واحد.. لكنه شايل معااه حكايات كتير 🥰
و هو “البلسوار” ..اسطورة شط اسكندرية 🛶
👈 الناس بقى زمان كانت بتسميه أسامي مختلفة:
فيه اللي قال عليه “بلسوار”، وفيه “ديلسوار”، وفيه “بيرو سوار”..
بس الأسم اللي فضل في القلوب و الاذهان على مر السنيين..هو “بونسوار” نسبة لكلمة Bonsoir الفرنسية..تعني “مساء الخير”.
👈طب إحنا عرفناه ازاااى ⁉️
عرفناه من الأجانب اللي عاشوا في إسكندرية من العشرينات.. و اللى سابوا أثرهم في كل ركن من أركان اسكندرية.. من شط و رملة و مية.
دلوقتي “البلسوار ” بقى من الذكريات.. وما بقاش ليه وجود في الشط ..بس لسه ليه اكيد وجود كبير جوه القلب 🤍
👈كلنا عندنا صورة معاه 📸
يا راكبينه وسط الموج ..يا واقفين جنبه 🚣♀️🛶
👈شاركونا بقى و قولولنا إيه أجمل الذكريات مع “البلسوار” ..و مستنيين تعليقاتكم و مشاركتكم أجمل صوركم معااه 🙋♀️
Hits: 83