النهاردة هنتكلم عن واحد من أقدم وأهم مساجد اسكندرية 🕌🌊
اللي مكانه في قلب إسكندرية في منطقة الجمرك 🌊
🕌 مسجد أبو علي الأثري 🕌
👑 المسجد اتبنى سنة ٦٧٨ هجرية ١٢٧٩ ميلادية يعني بقاله أكتر من ٧٠٠ سنة
👳اللي بناه الشيخ عبد اللطيف بن رشيد محمد التكريتي وكان تاجر لكن هو حب يسيب أثر ديني وعلمي كبير فبنى مدرسة مخصوص لتلاوة القرآن الكريم والحديث ودراسة الفقه على المذهب الشافعي واتعرفت وقتها باسم ((دار الحديث التكريتية))
🕌 بعد سنين تم تجديد المسجد في عصر ((الأمير مصطفى بك أمير اللواء السلطاني)) وفضل المسجد محافظ على مكانته وقيمته الدينية لحد النهارده.
🕌 المسجد زمان كان قدام ميناء اسكندرية مباشرة 🌊
يعني كان أول ما يوصل أي حد على المينا يشوف قدامه منارة علم ودين 📖🙏 وده بيأكد قد إيه كان له مكانة كبيرة في المدينة.
📍وموقعه مميز جدًا
موجود في الجمرك وبيطل على 3 شوارع
▪️ شارع مسجد أبو علي (اللي اتسمى باسمه)
▪️ شارع قبو الملاح
▪️ شارع علي بك جنينة وحارة البلقطرية
🕌 ومن الناحية المعمارية
المسجد بطابع إسلامي قديم بسيط مليان روحانية بمئذنته المميزة ومحرابه اللي بيحمل طابع العصور الإسلامية في اسكندرية.
🕌 ومع مرور الزمن حصلت له أعمال ترميم كتير عشان يفضل محافظ على شكله وقيمته الأثرية.
🕌 مسجد أبو علي شاهد على تاريخ اسكندرية وشاهد على زمن كان فيه العلم والدين و كل حجر فيه بيحكي حكاية من حكايات المدينة 🕌🌊
📝 لو بتحب الأماكن اللي وراها قصة… هتكون مبسوط لما تزوره وتعيش لحظة من زمن فات ولسه عايش بينا لحد النهاردة 🕌
Hits: 199