متحف كفافيس:
لو كنت هاوى للشعر و الأدب الحديث تبقى أكيد هتحب زيارة المتحف ده..أجواء يونانية كلاسيكية و مصرية في نفس الوقت.. متحف قسطنطين كفافيس الشاعر السكندري اليوناني الأصل (١٨٦٣م-١٩٣٣م)..تحول منزله إلى بنسيون بعد وفاته، سنة ١٩٩١ بدأت جمعية محبى كفافيس إللي أسسها المستشار الثقافى اليونانى “مسكوف” فى مبادرة لتحويل بيته لمتحف. و افتتاحه سنة ١٩٩٢. المتحف بيضم أثاثه المنزلي و مكتبته و أول طبعة من ديوانه الشعرى وبعض الكتابات بخط إيده و تمثال رخامى نصفى ليه و مجموعة صور شخصية ليه و لأسرته و لوحة زيتية للخديوى إسماعيل.
إعداد : لمياء كمال