❤️شاطئ ستانلي سمى بهذا الاسم نسبة إلى الرحالة الأنجليزى هنرى مورتون ستانلي وده بقي اللى اكتشف منابع النيل عند بحيرة فيكتوريا سنة ١٨٧٥ وعشان تكرمه الدولة أطلقت إسمه علي أجمل شواطئ الإسكندرية.
شاطئ ستانلي هو شاطئ علي شكل نصف دائرة يحتوى علي أشهر كبائن الإسكندرية كبائن ستانلي وهى تقع علي ثلاث طوابق تم إنشائها سنة ١٩٣٢ زارتها الكاتبه الإنجليزية اجاثا كريستى وأشهر مشاهير السينما المصرية مثل عمر الشريف فاتن حمامة… سعاد حسني ….. احمد رمزى …..عبد الحليم حافظ…… شادية ……ليلي فوزى ……صباح وغيرهم كتير وكان لشاطئ ستانلي دور كبير فى السينما المصرية حيث مثل به أفلام عديدة مثل فيلم الحرمان للفنان عماد حمدى الحياة الحب وايس كريم فى جليم وبحبك وأنا كمان واخيرا صايع بحر كما ظهر شاطئ ستانلي فى مسلسل الراية البيضا لجميل جميل راتب
ب ٢٥ جنيه للفرد يمكنك قضاء يوم جميل علي شاطئ ستانلي الساحر شامل شمسية وكرسي و ترابيزة واستعمال غرفة تغير الملابس ودورة المياة كمان تقدر تسهر بالليل ع الشاطئ وتستمع بالجلوس امام الشاطئ ومياهه الزرقاء الرائعة كذلك تستطيع أن تستمع بالتصميم الفريد للكبائن خاصة بعد التطورات اللى حصلت عليها .
لوحة ثلاثية متكاملة للشاطئ مع الكبائن مع كوبرى ستانلي المصمم علي الطراز الفلورنسي الإيطالي.
زيارته تستحق التجربة.
أخيرا شاطئ ستانلي من الشواطئ اللى تقدر تتمتع باعلي درجات الامان لان الشاطئ مراقب بالكاميرات بالاضافة لوجود ادارة حازمة للشاطئ والكبائن
هنسيبكم شوية تتفرجوا علي جمال شواطئ إسكندرية من خلال سفير إسكندرية النهاردة شاطئ ستانلي.
Hits: 24