⚓️🌊في بحر اسكندرية، قدام شاطئ ميامي وسيدي بشر، واقفة جزيرة صغيرة كأنها نقطة في المية… بس وراها حكاية كبيرة
🏝️جزيرة ميامي مش مجرد صخرة طالعة من البحر، دي شاهد على زمن كان فيه البحر مصدر الحكايات
بدأت الحكايه زمان، لماالمنطقة كلها كانت جزء من سهل بحري ضحل، والمياه كانت بتتحرك مع الأمواج والمد والجزر، والرمل والحصى يترسبوا شويه شويه.
مع الوقت، الرمل اتجمع في نقطة معينة وطلع كتلة صخرية ورملية صغيرة وسط البحر — ودي بقت جزيرة ميامي اللي إحنا شايفينها دلوقتي.
⚓️🏝️ومع السنين، البحر غير ملامح المكان، وانفصلت الجزيرة عن الشاطئ، وبقت واقفة لوحدها في المية… ساكنة وهادية، لكن لسه شايلة روح التاريخ.
🌊🏝️النهارده، الجزيرة بقت جزء من مشهد الصيف السكندري ولوحه طبيعيه ولا اروع ومكان للهدوء والاستجمام .
🚣♀️🚤مراكب صغيرة تروح وتيجي حواليها، شباب يستمتعوا بالبحر، وصورة الغروب وراها تبقى لوحة طبيعية مالهاش مثيل.
🚣🏻♀️الهوا هناك مختلف… والمية حوالينها ليها صفا خاص، يخلي أي لحظة جنبها تتحفر في الذاكرة.
🏝️جزيرة ميامي يمكن مساحتها صغيرة…
لكنها جزء من هوية بحر اسكندرية،
وجزء من الحكاية اللي دايمًا بتتكتب بين الموج والرمل
ً❤️🌊اسكندرية… بحرها مش بس مية،
بحرها تاريخ… وحكايات لسه بتتحكي.
Hits: 14