جامع يحيي

26 فبراير 2026

🕌 جامع يحيى في زيزينيا… مين هو أحمد يحيى باشا؟
🕌من أشهر معالم منطقة زيزنيا،،،، جامع يحيى،
لكن كتير مننا يعدّي من جنبه وميسألش:
❓ مين هو أحمد يحيى باشا؟
تعالوا نتعرف عليه 👇
👤 اسمه بالكامل: أحمد محمد مصطفى يحيى باشا
ويُعرف تاريخيًا باسم الحاج أحمد يحيى باشا.
إسكندراني أصيل، ومن كبار تجّار القطن،
وأحد أعمدة العمل الوطني والأهلي في المدينة،
لدرجة إن أهل إسكندرية في العهد الملكي أطلقوا عليه✨ «عميد الإسكندرية»
زي ما أطلقوا لقب أمير الثغر على الأمير عمر طوسون.
🏛️ مناصبه ودوره العام
▪️ عضو منتخب في المجلس البلدي لمدينة الإسكندرية
▪️ نائب عن الإسكندرية في مجلس شورى القوانين
▪️ من كبار أنصار حزب الوفد منذ تأسيسه
▪️ زعيم الوفد في الإسكندرية أثناء ثورة 1919
وكان مؤمن إن خدمة المدينة مش سلطة…
لكن عمل مؤسسي منظم.
🌿 أعماله الخيرية (اللي خلت اسمه يعيش)
شارك في تأسيس ودعم:
▪️ جمعية العروة الوثقى
▪️ جمعية المواساة ومستشفاها بالقباري
▪️ مركز إسعاف كوم الدكة (أول سيارة إسعاف سنة 1906 – محفوظة بالمتحف)
▪️ الملجأ العباسي نسبة للخديوي عباس حلمي
▪️ تطوير الميناء الشرقي
🕌 جامع يحيى باشا – زيزينيا
قبل وفاته قرر أحمد يحيى باشا بناء مسجد على قطعة أرض يملكها بجوار بيته
في الشارع اللي اتسمّى باسمه لاحقًا.
📍 المسجد على شارع أبو قير وكان مخطط يكون مدفنًا له… لكن القدر كان له رأي تاني.
🕊️ وفاته
في أغسطس 1922
توفي أحمد يحيى باشا في مكة المكرمة بعد أداء فريضة الحج، ودُفن بعدما تجاوز الثمانين من عمر..
👨‍👦 أنجب رجال دولة
🔹 عبد الفتاح باشا يحيى
رئيس وزراء مصر (1933–1934)
ومن أهم إنجازاته:
▪️ إقرار اليمين الدستورية للوزراء
▪️ دعم استخدام العربية في المحاكم
▪️ خفض إيجارات الأطيان
▪️ حل المجلس البلدي الأجنبي لإسكندرية

🔹 أمين باشا يحيى
أحد مؤسسي الغرفة التجارية بالإسكندرية
ورئيسها سنة 1935 وصاحب مبناها التاريخي بمحطة الرمل.

🏙️ كمان شارع أحمد باشا يحيى واحد من أهم شوارع زيزينيا، ويضم قصور وعلامات المدينة زي:
قصر فاطمة حيدر (قصر المجوهرات)
قصر فيتوريو جانوتي
قصر عدلي يكن
قصر الأمير محمد علي توفيق… وغيرهم.

💫💫احمد باشا يحيي فصل كامل من تاريخ إسكندرية
اتكتب بإتقان و إخلاص…