إسكندرية 🌊 مش بلد ساحلية وفيها بحر 🏖️ وجو جميل صيف وشتا ⛈️ وبس لا إسكندرية فيها تاريخ كبير وأماكن أثرية كتير..
والنهاردة هنتكلم عن أول كنيسة ⛪ في أفريقيا.. بالظبط زي ما قريتوا أول كنيسة في أفريقيا وهي.. الكنيسة المرقسية ⛪
📍مكانها في محطة الرمل وزي ما بدأنا كلامنا هي أول كنيسة اتأسست في أفريقيا تعالوا نعرف ازاي..
🏠البداية كانت من اول واحد آمن بالمسيحية وهو {{أنيانوس}} اللي حول بيته لأول مكان يصلي فيه المسيحين وبقي كنيسة كل المسيحين بيصلوا فيها وبعدها إنتشر الإيمان المسيحي في باقي الدول..
🤔 طيب منين بقي اسم الكنيسة المرقسية واللي بدأ الحكاية أنيانوس❓تابعوا هتعرفوا…
📆 في سنة ٦١ ميلادية القديس مارمرقس جه إسكندرية وهو ماشي بيفكر هيبدأ يبشر بالمسيحية منين؟ الحذاء اتقطع وراح للإسكافي {{يعني اللي بيصلح الأحذية}} عشان يصحله الإسكافي هو انيانوس ولما كان بيصلح الحذاء دخل المخراز في ايده ومن الألم كان بيصرخ {{يا الإله الواحد}} ومن هنا بدأ القديس مارمرقس التبشير وكان انيانوس هو أول واحد يآمن بالمسيحية مع أهل بيته ولما زاد المؤمنين بالمسيحية رسمه مارمرقس أسقف إسكندرية وساعتها حول بيته لكنيسة وبعد إستشهاد مارمرقس في إسكندرية على ايد الوثنيين سنة ٦٨ ميلادية دفنوه المؤمنين في الكنيسة ولأنه هو اللي بشر بالمسيحية وهو مؤسس كرسي الإسكندرية الرسولي اللي معروف بأسم الكنيسة القبطية ((عشان كدة بنقول بابا الإسكندرية وبطريرك الكرازة المرقسية)) .. بقي اسمها الكنيسة المرقسية..
⛪ تعالوا نعرف مقتنيان الكنيسة الأثرية..
⛪ الكنيسة المرقسية فيها رأس القديس مارمرقس ووقتها اباء الكنيسة سدوا السرداب اللي بيوصل ليها بكتلة خرسان عشان كانوا خايفين إنها تتسرق وده بعد ما اتسرق الجسد من بحارة من فينيسا والجسد موجود دلوقتي في كاتدرائية في إيطاليا..
⛪ في نُص الكنيسة من الناحية الجنوبية مقبرة أثرية بتضم رفات الآباء البطاركة للكرسى البابوى فى الألفية الأولى الميلادية ومكتوب اساميهم على لوحة رخام ب ٣ لغات قبطي وعربي وانجليزي..
⛪ فيها ٤ ايقونات أثرية من الموازيك واللي صممهم الفنان ايزاك فانوس وفي المدخل في ايقونتين اثريتين للسيد المسيح والسيدة العذراء فيهم أجزاء من الدهب والفضة..
⛪ ولأنها اول كنسية فهي فيها الكرسي البابوى الأثرى اللي بيقعد عليه البطريرك بس وكان أطول وقت قعد فيه بطريرك على الكرسى البابوى هو البابا كيرلس الخامس لمدة تقريبا ٥٣ سنة..
⛪ سنة ١٩٦٥ البابا كيرلس السادس حط حجر الأساس للكاتدرائية المرقسية بالعباسية في حضور الرئيس جمال عبدالناصر وتم افتتاحها رسميا في ١٩٦٨ واتنقل المقر البابوى للقاهرة وبقي في الكاتدرائية الموجودة دلوقتي في منطقة دير الأنبا رويس في العباسية..
🔘خلصت معلومة النهاردة ونتمني تتابعونا دايما عشان تعرفوا اكتر عن إسكندرية وتاريخها🔘
Hits: 27