النهارده ٢٧ سبتمبر وهو اليوم اللي اعلنته منظمة الأمم المتحدة من كل عام (اليوم العالمي للسياحه) .
والسنه دي المنظمة خصصت لليوم ده شعار:-
” السياحه لتحقيق نمو شامل ”
وده بسبب ان قطاع السياحه في العالم كله اتأثر بسبب جائحه كورونا ….وأكيد مصر كمان اتأثرت.
مش بس الوظايف اللي شغالة في السياحة مباشرة هي اللي اتأثرت…دي وظايف ومهن مالهاش علاقة بالسياحة كتير جدا جدا اتأثرت .
مثلا النجار الي عمره ماشاف سياح واللي شغله متعلق بسكان البلد ازاي حاله وقف ، اقولك .
السياحه سلعه شامله مش مؤقته ، يعني تجهيز الفنادق والمطاعم الشغل فيها بيشتغل عليه الطباخ و النجار والحداد وعمال البناء وعمال تانية كتييير…
الأماكن السياحيه نفسها بيشتغل فيها اعداد كبيره ، ده غير الإرشاد السياحي والقائمين علي خدمه الأماكن السياحيه وكمان قطاع الطيران . منظمه السياحه العالميه بتقول ” توظف السياحة واحدًا من كل عشرة أشخاص على وجه الأرض” .
” اذن اي خلل في النشاط السياحيه حيأثر علينا كلنا ، انت متخيل ان بلد زي اسبانيا عدد زوارها اكتر من عدد مواطنينها ، وتخيل الرفاهية الي ممكن يعيشها المواطن الواحد بسبب السياحه في بلده وتخيل بردو اننا كبلد عندنا مقومات سياحيه اكتر كتير من بلاد اخري ولكن معظمها غير مستغله .
واحنا هنا في الاسكندريه عندنا مقومات سياحيه ممكن تخلينا ضمن ترتيب أفضل مدن العالم سياحيا مابين شواطئ جميله ، وآثار لحضارات عريقه مش موجود في اي بلد تانية.
احنا ك إدارة مركزية للسياحة والمصايف عارفين وفاهمين ان شواطئنا لو متميزة ومافيهاش سلبيات ..حتشجع السياح يزوروها وده اسمه السياحة الشاطئية .
وعشان يكون عندنا ميزه تنافسيه مع شواطئ تركيا أو اي بلاد سياحيه ليها شواطئ .. لازم الباكدج كله يكون موجود ، زي نظافه الشاطئ وسلوك الافراد ، اكيد لو سائح جه يستمتع بشواطئنا ولاحظ سلبيات سواء من عمال ، نظافه مياه ، نظافه شاطئ او نظافه الحمامات او سلوكيات الرواد نفسهم هوا مش بس مش حييجي تاني لكنه حينشر السلبيات اللي قابلته ، وزي ماهو معروف تسويقيا ان الكلمة الايجابيه ممكن تقنع شخص واحد انه يكرر التجربه لكن السلبيه ممكن تقنع ١٠ أشخاص انهم ميجربوش التجربه ،
اذن سلوكك المتحضر مش بس بيدي انطباع كويس عنك لاء ….ده بيكون مصدر لزيادة دخلك بطريقه غير مباشره . دلوقتي العالم بيحاول يستعيد مكانته السياحيه والسياحه بتحاول تتعافي ،
وبالفعل اسكندريه استقبلت بعض الأفواج السياحيه الكام شهر اللي فاتو وزاروا بعض الشواطئ..الفيديو ده فيه رأيهم عن شواطئنا…يهمنا بقه لما يرجعوا بلادهم ينقلوا لأهلهم واصحابهم ازاي شافوا شواطئنا جميلة ونضيفة.
دورنا اننا نحاول نحسن الخدمه الشاطئيه المقدمه وده اللي حنركز عليه في الموسم القادم ، ودورك كمواطن هو الحفاظ والاستخدام المتوازن للخدمه دي ، احنا بنشارك معاكم احتفالات باليوم العالمي للسياحه وحنكون مبسوطين جدا لو ليكم اقتراحات لخدماتنا الشاطئيه للموسم القادم.
اليكم لينك الفيديو علي صفحة الإدارة المركزية للسياحة و المصايف علي فيسبوك
https://m.facebook.com/story.php?story_fbid=163638202600531&id=100068630572068
Hits: 30