🌧 في إسكندرية.. البحر ليه فصوله الخاصة.. 📚
وليه شتا ما يتشبهش بشتا تاني! 🥰
نواته حكايات.. ولياليه روايات.. كل موجة فيها سطر.. وكل ريحة مطر فيها ذكرى 🤗
🌧الشتا عند الإسكندرانية مش مجرد مطر ورياح..
ده ميعاد قديم متحدد بينا وبين البحر من سنين طويلة .. ومواسم محفورة في الذاكرة ..
الناس هنا حافظينها زي ما حافظين طريق الشط ..
عارفين إمتى يهيج البحر وإمتى تهدأ الرياح 🍃💨
👈 السنة دي 2025..
الشتا جاي يحكي ست حكايات..
كل نوة فصل من رواية اسمها “الشتا السكندري” ❄️
رواية صوتها الموج ..وصفحاتها المطر.. وريحتها ندى البحر 💙☔
📖 فصل أول: نوة الرياح الصليبة
همسة البداية.. رياحها بتفوق البحر من هدوء الصيف
تبدأ يوم 20 أكتوبر وتستمر 3 أيام..
كأنها أول سطر في الحكاية 🌬
📖 فصل تاني: نوة المكنسة
أشد نوات الخريف.. تمسح السماء وتنفض الغيوم بمطرها الغزير 🌧
تبدأ 16 نوفمبر وتستمر 4 أيام.
📖 فصل تالت: باقي المكنسة
نوة بيشتد فيها الرياح والمطر..
كأن السماء لسه عندها كلام كتير ما قالتوش 🌧
تبدأ 22 نوفمبر وتستمر 4 أيام.
📖 فصل رابع: نوة قاسم
رياحها شديدة وموجها عالي..
تبدأ 4 ديسمبر وتستمر 5 أيام..
📖 فصل خامس: نوة الفيضة الصغرى
تبدأ 19 ديسمبر وتستمر 5 أيام..
فيها الرياح بتحكي ..أسرارها للموج
والبحر بيرد عليها.. بهمسات الشتا ❄️
📖 فصل سادس: نوة عيد الميلاد🎄
آخر نوة فى 2025 ..
تبدأ 28 ديسمبر وتستمر يومين..
👈لكن الحكاية ما خلصتش هنا…
لسه نوات 2026 على الأبواب..
جاية تكمل باقي الرواية..
بأمطار جديدة، ورياح جديدة، وسحر ما بيخلصش بين البحر وناسه 🌊✨
صباحكم رااايق 🙋♀️
Hits: 23