(باب رزق)ده الاسم اللي اخترناه للمعرض الخيري اللي بإذن الله نفتتحه الخميس القادم علي رمال شاطئ السرايا العام ويستمر لمدة ثلاثة ايام حتي السبت.نتمني فعلا يكون باب رزق للعارضين….وبالمناسبة احنا اخترنا عارضين كانوا بيفترشوا الارصفة واسقف السيارات وبيعرضوا منتجاتهم اللي هي صناعة ايديهم وشجعناهم يشتركوا معانا وباذن الله نساعد بعضهم في نقل بضاعتهم لمكان المعرض كمان….احنا قابلنا اكتر من ٥٠ عارض وعارضة ومازلنا بنقابلهم في مقر الادارة علشان نختار المجموعة الاولي اللي حتشترك معانا ..قابلنا سيدات وشباب لهم ظروف اجتماعية قاسية لكن بيساعدوا نفسهم ببيع منتجات يدوية واكسسوارات وبيواجهوا ظروف الحياة بكل صلابة.الازمة الاقتصادية طالت دول كتير…واحنا جزء من العالم وعندنا عائلات وأسر ظروفها صعبة.علشان كده…ومن باب المشاركة والتكافل الاجتماعي ومساعدة الغير والقيم الانسانية اللي دعت إليها الأديان….نهيب بأصدقائنا ومتابعينا بالتواجد خلال فترة المعرض والحضور الكثيف لتشجيع العارضين بالشراء من معروضاتهم ومنتجاتهم بقدر المستطاع…..خلينا نقف جنب بعض ويكون المعرض بداية لمعارض تانية كتير.وباذن الله لو المعرض نجح سيتم تكراره علي اكتر من شاطئ علشان يبقي فعلا….باب رزق