صباح الخير على كل متابعينا 🙋🏻♂️
ورا كل اسم في إسكندرية حكاية 💬 تعالوا النهاردة نعرف ايه هي حكاية الشاطبي 🤔
في مدينة {{شاطبة – Jativa}} في الأندلس (اللي هي أسبانيا والبرتغال حاليا) اتولد هناك اللي اتسمت على إسمه المنطقة دي 🌏
تعالوا نعرف مين هو ⁉️
👳 هو الشيخ محمد بن سليمان بن محمد المعافري أبو عبد الله اتولد في شرق الأندلس في مدينة الشاطبة زي ما قولنالكم واتولد ضرير
🗣️ وبدأ بشاطبة انه يقرا القراءات واتنقل بعد كدة لبلنسية عشان يحفظ فيها القرآن وقرأ التفسير وسمع الحديث ودرس النحو والصرف والبلاغة والأدب
🙏 من كتر إلتزامه طلبوا منه انه يخطب الجمعة في شاطبة ورفض لإنهم كانوا بيلزموا اللي بيخطب إنه يبالغ في وصف الملوك وقالهم إنه هيحج وساب شاطبة ومرجعش ليها سافر لدمشق في سوريا وبعدها جه على مصر
🌏 ولما جه مصر القاضي عبد الرحيم البيساني وزير صلاح الدين الأيوبي كان يعرفه ويعرف قيمته واستضافة عنده ولما بني القاضي مدرسته في درب الملوخية في القاهرة خلاه شيخ فيها ولما فتح الناصر صلاح الدين يوسف بيت المقدس زار الشيخ الشاطبي بعدها سمع من أبي طاهر السِلَفي و أحمد بن محمد ابن سِلفة الأصفهاني عن إسكندرية.
🌊 وجه اسكندرية و اخد زاوية للخلوة للذكر وعشان يدرس فيها العلوم والفقه والحديث وكان الظاهر بيبرس بيروحله يستفيد منه ويسمعله واعتبره أهالي اسكندرية إنه رمز للمعرفة والثقافة واتلمذ على ايده مشايخ كتير وله كتب ومؤلفات كتير وقراءات.
🌊 وعاش فيها لحد ما توفي فيها ولأنه أثر في أهل اسكندرية بقت المنطقة اللي عاش فيها بإسمه واتدفن فيها وله ضريح في مسجد الشاطبي الناس بتروح تزوره
🌐 خلصت حكاية النهاردة عن الشيخ الزاهد اللي جه من الأندلس لإسكندرية وعاش فيها ونتمني تتابعونا دايما عشان تعرفوا حكايات اكتر عن إسكندرية وأسرارها 🌐
Hits: 9