معلومة عن شاطئ ستانلي👌👌
هو واحد من أصغر الخلجان في إسكندرية.. تسمية الشاطئ جت من إسم الحي الموجود فيه.. بيُذكر إن ستانلي هو إسم الرحالة الإنجليزي “هنري مورتون ستانلي” وإللي إكتشف منابع النيل عند بحيرة فيكتوريا سنة ١٨٧٥م. وكتكريم له إتسمى الحي بإسمه.
الشاطئ بيحتضن تكوينات صخرية نادرة بتنخفض حوالي ٣ طوابق عن مستوى سطح الأرض. سنة ١٩٣٢ أنشأت بلدية إسكندرية أكواخ خشبية على ٣ مستويات لإستقبال المصطافين وإللي إتحولت بعد كدا للكبائن الموجودة دلوقتي وتم ترميمها مؤخرا.
الجميل والمميز كان إهتمام السينما المصرية بتصوير مقاطع كتيرة من الأفلام على شاطئ ستانلي زي أفلام:
الحرمان ١٩٥٣م، الحياة الحب ١٩٥٤م، أيس كريم في جليم ١٩٩٢م، بحبك وأنا كمان ٢٠٠٣م.
وطبعا نفتكر مسلسل الراية البيضاء بطولة سناء جميل وجميل راتب وسمية الألفي..حلقة ١٥ ظهر الشاطئ بوضوح في مشهد سمية الألفي وهي بتتمشى في الشتاء وظهر جمال إسكندرية وحلاوتها .
Hits: 75