صباح الخير على كل متابعينا 🙋🏻♂️
📝 تعالوا نكمل النهاردة حكايات منطقة اللبان واللي مش عارف ليه اتسمى بالإسم ده يتابع اللي كتبناه قبل كدة في البوست
https://www.facebook.com/share/p/1D7bzSXioP/
💬 حكاية النهاردة من اللبان هي حكاية اتقال فيها كلام كتير واتكتب عنها كتب اكتر واتعملها مسرحيات ومسلسلات كمان..
{{ريا وسكينة}}
▪️ الأختين الأشهر في إسكندرية اصلهم من الصعيد ولما جم اسكندرية في أوائل القرن العشرين عاشوا في بيت جنب قسم اللبان..
▫️ومن الحكايات اللي بتتقال..
▪️أنهم كانوا بيستدرجوا السيدات لحد البيت عندهم ويسرقوهم ويقتلوهم وده بمساعدة ازواجهم عبد العال وحسب الله
– وبالأدلة اللي لقوها في البيت عندهم قبضوا عليهم وبقوا أشهر مجرمتين في التاريخ الحديث وكانوا اول سيدات ياخدوا إعدام..
▫️الحكاية التانية بتقول أنهم كانوا مناضلين ضد الاحتلال الانجليزي وكانوا مع ازواجهم بيستدرجوا الجنود الانجليز ويقتلوهم ولما اتعرف نضالهم ضد الانجليز اتقبض عليهم ولفقوا ليهم قضية قتل السيدات و اتقال لبديعة الطفلة بنت ريا انها تعترف عليهم انهم بيقتلوا السيدات عشان والدتها ريا تخرج..
▪️بيت ريا وسكينة بعد اكتر من ١٠٠ سنة على إعدامهم لسه موجود لحد النهاردة في اللبان وناس كتير بتروح تزوره وتتصور فيه
▫️قولولنا انتوا شايفين انهم كانوا عصابة ولا كانوا مناضلين
📝 واستنونا في حكايات تانية
Hits: 11