تماثيل التناجرا
ايه هي تماثيل التناجرا و معناها ايه؟
🪆🗿زمان في اليونان كان فيه مدينة اسمها “تناجرا”، ومن اسمها جت شهرة مجموعة تماثيل صغيرة في الحجم ولطيفة جدًا. التماثيل دي بدأت تظهر حوالي القرن الرابع قبل الميلاد، وكانت في معظمها بتصور🪆 سيدات لابسين اللبس الإغريقي التقليدي زي “الخيثون” و”الهيماتيون” 👘وكتير منهم كانوا مغطين راسهم بقبعات👩🎓، و ماسكين في إيديهم 👶 طفل أو مروحة🪭 أو حتى حيوان أليف🐱
🌟✨اللطيف في التماثيل دي إنها كانت بتحكي عن الحياة اليومية بشكل طبيعي وبسيط، مش بس عن الستات، لكن كمان عن الرجالة والأطفال وحتى الحيوانات والحرف المختلفة👩✈️👨🔬🧶👩🏫. تميزها الكبير إنها بتوضح أزياء وتصفيفات الشعر اللي كانت منتشرة في الوقت ده، وده بيخلّيها كأنها نافذة على الموضة والحياة زمان.
🛖🧱التماثيل دي كانت مصنوعة من “التراكوتا” اللي هو الطين المحروق، و تم اكتشاف كميات كبيرة في بلاد يونانية زي اليونان نفسها، وإيطاليا، وآسيا الصغرى. أما المجموعة اللي موجودة دلوقتي في متحف الإسكندرية القومي، فهي كانت متجمعة من أماكن مختلفة زي مقابر مصطفى كامل، ومنطقة الإبراهيمية، و منطقة الحضرة
أهمية التماثيل دي انك و انت بتتفرج عليها بتشوف حياتهم اليومية كانت عاملة ازاي من آلاف السنين و دلوقتي 🗿🪆تقدروا تشوفوا التماثيل معروضة في المتحف القومي و المتحف اليوناني الروماني بالإسكندرية 🏯
Hits: 10