🎶أغنيه بين شطين و مياه
غناها محمد قنديل حباً في اسكندرية و أهلها
قال فيها بين شطين و مياه عشقتهم عنيا يا غاليين عليا يا أهل اسكندرية
🎵الاغنيه دي اتشهرت جدا… كانت بتتذاع تقريبا كل يوم في الراديو
وحبّيناها من حبه هو لإسكندرية 🌊
🎶محمد قنديل مطرب شعبي أصيل عشق إسكندرية وغنّى لها …من أكتر الأغاني اللي سمعناها في الإذاعة المصرية وحفظناها من غير ما نحس.
ومن جمال الحكاية …إن الأغنية دي في وقت حرب أكتوبر، استخدمت كـ كلمة سر غير مباشرة
وإشارة فهمها جنودنا البواسل ….لما سمعوها في الراديو 📻🇪🇬
⬅️اللواء نبيل عبدالوهاب حكى ،إن بعد إغراق المدمرة الإسرائيلية إيلات سنة 1967 استمرت العمليات البحرية ضد ميناء إيلات، عن طريق الضفادع البشرية في 3 عمليات منفصلة، وتم خلالها إغراق سفن العدو وتدمير الرصيف الحربي بالكامل. وهنا ظهر دور الإذاعة 📻 كان في نقطة مراقبة على حدود العقبة – إيلات ، يتأكدوا من وجود سفن في الميناء …المعلومة توصل القاهرة ومن القاهرة… توصل للضفادع البشرية مش بمكالمة ولا رسالة لكن بأغنية في الراديو …🔑 لو سمعوا أغنية 🎶 «بين شطين و ميّه» يبقى كده في سفن للعدو في الميناء والعملية تتنفّذ فورًا. ولو العملية اتلغت، تتذاع أغنية تانية 🎵 «غاب القمر يا بن عمي» لشادية. وفي ليلة 16 – 17 نوفمبر 1969 الضفادع البشرية فضلوا منتظرين لحد ما سمعوا «بين شطين و ميّه» فبدأ التنفيذ وتم تفجير السفينتين “دهاليا وهيدروما”، العملية أسفرت عن استشهاد البطل الرقيب فوزي البرقوقي، واللواء نبيل عبدالوهاب قدر يسبح بيه مسافة 16 كيلومتر من ميناء إيلات لحد العقبة.
🎧 هنا الأغنية مكانتش أغنية كانت إشارة شجاعة و تحفيز وكان الراديو سلاح هادي بس فعّال جدا في وقت مكنش فيه تواصل زي دلوقتي..
محمد قنديل اتولد في شبرا وغنّى لمصر كلها أغاني بتشبه ناسها وبتعبّر عن طيبة قلبهم من أجمل أغانيه:
🎵 يا حلو صبح يا حلو طل
🎵 ٣ سلامات يا واحشني ٣ أيام
🎵 سماح يا أهل السماح …لوم الهوا جارح
أغاني لسه عايشة لحد النهارده…مش بتقدم… صباحكم فل 🎵🎶
Hits: 13