الشتا في إسكندرية… قصة عشق ما بتنتهيش 💙🌧️
والإسكندرانية ليهم طقوس خاصة اوى مع أول نوة 🌦️… يمكن غير أي حد في مصر. 🌍
🌬️لما الهوا يعلى وريحة البحر 🌊 تدخل بيوتنا، نحس إن الشتا الحقيقي بدأ… وإن المدينة رجعت لروحها. 🌧️
في الشتا… 🌧️ الكورنيش يبقى أهدى، والموج أعلى، والبحر لونه يغّير كإنه لابس بدلة جديدة. ✨
وتلاقي الناس 🚶واقفين على السور يتفرجوا على الأمواج العالية، ويضحكوا 😊 🌊لما نقطة مطر تغافلهم… إحساس محدش يعرفه غير اللي اتولد وكبر هنا.
🌊🌊وللإسكندرانية في الشتا عادات ودي حكاية تانية:
أول حاجة نعملها… صينية بطاطا 🍠 سخنة على ريحة المطر.
او بطاطا مشويه فى الفرن
شوربة العدس تبقى ضيف دائم على كل سفره 🥣
حله محشي سخنه تدفي البيت كله 🍲
اما بقي الناس اللي بتحب تتدلع؟ 😇 تلاقيهم داخلين على كوباية حمص شام سخنه 🍵 تقوّي القلب او كوبايه سحلب بالمكسرات. 🥤
💠 ومن الايجابيات اللى لازم نتكلم عنها انه وبرغم قوة النوه اللي بنعيشها وبرغم كميه المطر وقوته، الا ان إستعدادات 📝 المحافظة ظهرت من أول ساعه ….
🛣️الشوارع ماشية بسلاسة، مفيش تجمعات مياه، ومفيش تعطيل… وده مجهود كبير اتحس فعلاً، وخلّى الإسكندرانية يستمتعوا بجمال الشتا من غير قلق.
🌊 إسكندرية في الشتا مش مجرد مدينة… دي حالة مزاج، وروح، وذكريات.
في كل نقطة مطر 🌧️وفي كل موجة بتغسل الكورنيش… نلاقي جزء مننا بيتولد من جديد
Hits: 44