النهارده بنحتفل بمناسبه خاصه،،،🎉🔻النهارده يوم السياحه العربيه.
تحتفل الدول العربيه يوم ٢٥ فبراير من كل عام بيوم السياحه العربيه اللى بيتوافق مع ميلاد الرحاله العربي ابن بطوطه ….
او محمد ابن عبد الله
اتولد ابن بطوطة في المغرب سنة ١٣٠٤ ميلاديه ، واشتهر بكتره ترحاله وشجاعته في مواجهه مخاطر السفر ،زار كثير من البلاد من الشرق والغرب واستمرت رحلاته ٣٠ سنة بمجموع ١٢٠٠٠٠ كيلو متر .
في فتره سفره كتب ووصف كل اللى شافه من عادات وتقاليد وثقافه ومهن الدول اللي زارها ونقلها للعرب ، وتوفي عام ١٣٧٧ ، بعدها طبعت وترجمت رحلاته ومنها” تحفة النظار في غرائب الأمصار وعجائب الأسفار” او رحلات ابن بطوطه .
ولأهميه الدور السياحي في تاريخ البلاد العربيه.
أنشئت المنظمه العربيه للسياحه ودى منظمه تتبع جامعه الدول العربيه.
هدفها “”تفعيل وتنميه السياحه بين الدول العربيه”” وده لان نمو القطاع السياحي يؤدي لنمو الناتج المحلي للدول العربيه .
ومصر بتعتبر السياحه من اهم مصادر الدخل القومي و يعمل فيها شريحه كبيره من المواطنين لان مصر تمتلك مقومات سياحية كبيرة جدا وبتتميز بوفرة المزارات السياحية على اختلاف أنواعها، وانتشار المعابد والمتاحف والآثار والمباني التاريخية والفنية وامتلاكها لبنية تحتية قوية تقوم على خدمة قطاع السياحة مثل الغرف الفندقية والقرى والمنتجعات السياحية وشركات السياحة ومكاتب الطيران.
▪️واحنا كإداره مركزيه للسياحه والمصايف بالاسكندريه مدركين اهميه هذا القطاع ومدي تأثيره علي الدوله ، ونبذل أقصي جهودنا للنهوض بقطاع السياحه والمصايف في مدينتنا الجميلة الإسكندريه.