حوار عن المينيمم تشارج
————————————————————-
————————————————————-
🔻مساء الخير ياافندم… معلش انا فى حاجة ملغبطانى وعاوز تفسير وتوضيح من الادارة .😇
🌹طبعا اتفضل….احنا دايما متفقين ع الصراحة والوضوح قول كل اللى نفسك فيه واحنا هنجاوبك .
🔻تمام..ممكن تفهموني ايه موضوع المنيمم تشارج اللى كل الناس بتتكلم فيه.. وهل هو قانوني ولا مش قانوني🤔؟.
🌹أقولك… قانون المحال العامة الجديد اللي صدر حديثا وصدرت كمان لائحته التنفيذية اجاز للمنشآت تطبيق نظام الحد الادنى للطلبات والمعروف ب(المنيمم تشارج )حيث نصت المادة 21 من القانون على أنه:-
《لا يجوز للمحال العامة المعدة لبيع أو تقديم المأكولات أو المشروبات بقصد تناولها داخل المحال تحصيل حد أدنى لتقديم الخدمات لرواد تلك المحلات إلا بعد الحصول علي ترخيص من المركز المختص وذلك بعد سداد رسم لا يجاوز عشرين الف جنيه وتحدد فئاته بقرار من اللجنه ويتم اثبات ذلك بالرخصة الصادرة للمحل واخطار مأمورية الضرائب بذلك.
🔻تماااام يعني كدة انتوا بتسلمونا للكافتريات والمطاعم يعملوا فينا اللى هما عاوزينه.؟؟😔
🌹مين قال بس…. مبدئيا احنا لحد دلوقتي مفيش ولا مطعم او كافتريا اخد ترخيص بتطبيق نظام الحد الادنى للطلبات واول ما اى منشأة تاخد الترخيص هنعلن اسمها علي طول علي صفحة الإدارة وقيمة الحد الادنى المحددة عشان حضرتك تبقي رايح وعارف هتدفع كام وهتطلب اية مقابل اللى هتدفعه..بدل ما تتفاجئ وتتحرج.
🔻طيب ليه اصلا يبقي فى تطبيق حد ادنى للطلبات وليه القانون صرح بيه؟🤨
🌹هقولك …خلينا نتفق ان احنا يهمنا المصلحة العامة واصحاب المنشآت دول مش اعدائنا دول ناس محترمين وبيساعدوا فى تقليل البطاله وليهم وجهه نظر…وهي ان فيه بعض الرواد اللي ممكن يدخل الكافيه يقعد اربع او خمس ساعات ويطلب طلب بسيط وليكن كوباية شاى ويشغل الترابيزة لساعات طويلة ويتفرج ع الماتشات ويستخدم الانترنت المجاني ومرافق المنشأة ويحرمها من استقبال رواد اكتر وده اسمه عدم تدوير الترابيزة وده بيسبب لهم خسارة كبيرة حسب كلامهم لكن موضوع الحد الادنى هيساعد ان العجلة تدور بشكل افضل . بالاضافة الي ان موضوع المنيمم ده كان بيتم بشكل عشوائى وغير منظم وكان بيسبب لكتير مننا حرج كبير لما تتفاجئ بعد ما تقعد الويتر بيقولك :-علي فكرة فيه منيمم
وداه بيخليك تتحرج جدا قدام اللى معاك لكن دلوقتي حضرتك قبل ما تروح المكان بتبقي عارف انه بيطبق المنيمم ولا لاء فبتبقي عامل حسابك وحضرتك بتختار طلباتك .
🔻طيب لو دخلت منشأة ولقيتها مااعلنتش عن انها بتطبق الحد الادنى وفاجئتني اعمل اية ؟؟؟😱
🌹هنا تكلمنا علي طول وهنقولك اذا كان حاصل علي الترخيص ولا مخالف،وزي ماقلنا في الاول لسه مافيش منشأة اخدت ترخيص بفرض المنيمم تشارج لحد اللحظة طبعا فيما عدا المنشأت التابعة لوزارة السياحة.
ولو تم ضبط منشأة بتفرض حد ادني فورا ح نحرر محضر بالواقعة لانها بتدخل تحت بند مخالفة بيع بازيد من الاسعار .
🔻طيب تمام انا مطمن طول ماأنتم بتابعوا المنشآت وتراقبوهم👌
🌹واحنا بنوعدك اننا دايما فى ضهرك ومعاك.
🌹وقبل ما تمشي اوعى تنسي
ان الادارة المركزية للسياحة والمصايف دايما بتعلن استعدادها التام لاستقبال كافة استفسارات وشكاوى المتابعين علي صفحة الادارة الرسمية
وكذلك موقع الادارة الرسمى
www.catr.gov.eg
وارقام الشكاوى
01289252668
01270647490
Hits: 2027