🌧️🌀 بتعيش اسكندرية اليومين دول نوة رأس السنة…..
واللي فاكر إن الشتاء في إسكندرية هزار يبقى ماعاشش مع النوات 😄
من أول ٢ يناير بتزورنا واحدة من أشهر نوات الشتا…
نوة رأس السنة …
النوة دي اسمها كده ببساطة لأنها بتيجي مع بداية السنة الجديدة، كأن البحر والهواء بيقولوا:
«سنة جديدة… بس على مزاجنا» 🌊
مواصفاتها بقى إيه؟
– رياح غربية قوية تخليك تحس إن الجو بيكلمك بصوت عالي
– مطر ممكن يبقى خفيف وممكن يفاجئك بدش محترم
– برودة واضحة وحرارة بتنزل
– بحر عالي وموج مش هين، يخلي الصيادين وأهل البحر ياخدوا بالهم
النوة دي بتقعد في العادي حوالي ٤ أيام، وبتبقى رسالة رسمية إن الشتا دخل تقيل ومفيش هزار بعد كده ❄️
واللي مش عارف!!!!!!
إسكندرية عندها تقويم خاص بيها اسمه تقويم النوات…
الشتا عندنا مش فصل… ده سلسلة نوات 😅
عددهم تقريبًا ١٨ نوة ما بين الخريف والشتاء، منهم حوالي ١١ نوة قوية
كل نوة باسم، وكل اسم وراه حكاية وتجربة مع الشتا والريح والبحر
من نوة عيد الميلاد
لنوة رأس السنة
لنوة الغطاس والفيضة الكبرى
لحد برد العجوزة او عوه والشمس الصغيرة والكبيرة
والاسكندرانيه حافظينهم أكتر من مواعيد المرتبات 😄
فى النهايه …
نوة رأس السنة مش بس جو…
دي إحساس، وذكريات، وبداية شتا حقيقي
واللي عاش في إسكندرية عارف
إن الشتا هنا ليه طعم تاني 💙
خدوا بالكم من نفسكم، والبسوا تقيل
واللي ماشي على البحر… يستمتع بس بحذر 🌧️🧥
Hits: 3