صباح الخير💐👋النهاردة الجمعة ..يعنى أجازة الويك اند 🥰..و لسه الجو معانا حلو اوووى و الشواطئ سااااحرة بجمالها و صفاء سماها و نقاء هواها ..و ده اللى شجع أهل اسكندرية و عشاقها و محبيها تنزل امبارح الخميس بكثافة ملحوظة للشواطئ و تقضى وقت مميز و ممتع مع الأهل و الأصحاب و الأحباب ورجعونا لذكريات الصيف الجميلة🥰…لسه الفرصة متاحة و الدعوة مفتوحة لكل اللى عايز يستغل أجازة الويد اند ويقضى يوم ممتع و مميز على شواطئ الاسكندرية و خاصة فى الجو التحفة ده .👈عايزين نفكركم .. ان دورنا هو فرض السيطرة والانضباط على كافة الشواطئ و التصدى لأى استغلال او ابتزاز او فرض اى اكراميات على المواطنين.. ده مش فى الصيف بس و لكن كمااان فى الصيف و الشتاء نهارا وليلا .يعنى أمس تلقينا شكوى من إحدى متابعينا الكرام على صفحة الإدارة ..بتشتكى من استغلالها و المغالاه فى سعر تذكرة دخول الشاطئ و وتحصيل قيمة تذكرة دخول شاطىء جليم العام 20 جنيه للفرد بدلا من 5 جنيه و على الفور أمر سيادة اللواء/جمال رشاد – وكيل الوزارة – بالمرور على الشاطئ و التحقق من صحة الشكوى و تبين بالفعل صحتها بل و تكرارها مع بعض الرواد الٱخرين على الشاطئ .. و على الفور أمر سيادته بتحرير مذكرة للعرض على السيد المحافظ واتخاذ كافة الإجراءات القانونية اللازمة.👏👏و ننتهز هذه الفرصة ونشكر كل متابعينا الكرام على ايجابيتهم و تعاونهم معنا بالابلاغ الفورى عن اي تجاوزات على ارقامنا الموجودة على بوابات جميع الشواطئ ونعدكم بأنه سيتواجد مفتشينا فى دقائق لاتخاذ اللازم فورا . ونذكركم بأننا لن نقضي علي ٱفة فرض الاكراميات واستغلال رواد الشواطئ الا بتعاوننا معا…وكما اوضحنا بان هدفنا ان تكون الشواطئ للاستجمام والترفيه عن النفس فقط ولن تكون مجالا للابتزاز ومضايقة الجمهور.نتمنى لحضراتكم قضاء أوقات سعيدة و ممتعة على شواطئنا المميزة.