احنا عارفين أن متطلبات الحياة كترت… والأزمة الاقتصادية طالت معظم الدول وخصوصا الدول اللي بتبني نفسها من تاني ، وعشان كدة فكرنا ازاى نستغل الامكانيات اللي ربنا ادهالنا في مساعدة اصدقائنا ومتابعينا والتخفيف عن الأسر والعائلات. احنا فكرنا نعمل سوق خيرى علي أحد شواطئ الإسكندرية اللي المساحة الرملية بتاعته كبيرة ….. وهيبقي اسمه ((باب رزق ))وندعو كل من يمتلك حرفة مثل ربة المنزل اللى بتعرف تنضف خضار وتغلفه واللي بتعمل عصائر فريش واللي كمان بتصنع اكسسوارات او اللي بتجيب ملابس وتتاجر فيها رغبة فى تحقيق ربح يساعدها علي مواجهه أعباء الحياه….. فكرنا ندعوهم ونوفر لهم مكان يضمهم مع كل اصحاب الحرف البسيطة ويعرضوا منتجاتهم بالمجان ولمدة ثلاثة ايام. عرضنا الفكرة علي السيد اللواء محمد الشريف محافظ الإسكندرية اللي وافق علي الفور وشجعنا علي تنفيذها . وعلشان نقدر نجهز اماكن مناسبة للعرض مالقيناش الا القبطان علاء فتح الله ( أسواق فتح الله ) وعرضنا الفكرة ووافق علي دعمها علي الفور .المكان حيكون علي رمال شاطئ السرايا العام امام مدرسة الطفولة السعيدة بسيدي بشر باذن الله.المعرض هيتم الاعلان عن توقيته خلال الأيام القادمة بعد تلقي طلبات الاشتراك وتجميع بيانات العارضين ودراسة أحوالهم والتحقق من شخصياتهم. ونوضح اننا سنبدأ فى استقبال طلبات الانضمام للمعرض من الآن علي رسائل الصفحة مع ترك كافة البيانات من الاسم ورقم التليفون والمنتج المعروض وصور للمنتج وطريقة عرضه و صورة بطاقة رقم قومي نتمني للجميع التوفيق
Hits: 30