🟢 لو باب اليأس مقفول…افتحه بمفتاح الأمل. عافر وحارب….. انت ادها .🤝لما فكرنا نحتفل باليوم العالمي لذوى الهمم السنة دي..حبينا يكون احتفالنا مختلف…مايكتفيش بتقديم عروض فنية فقط.احنا اتعاملنا معاهم عن قرب فى شاطئ الخير والسعادة ((شاطئ ذوي الهمم)) طوال فترة الصيف ولقينا انهم فعلا مصدر طاقة لينا وإلهام.كان لازم نحتفل بيهم بشكل مميز لأنهم وحشونا…..💖💖 ولأنهم فعلا يستحقوا يبقوا مميزين .فكرنا إن الاحتفال السنة دي يكون بطريقة مختلفة احنا عارفين المثل الشهير “”لاتعطيني سمكة بل علمني الصيد”” ….ولقينا من الواجب علينا ان اللي اتعلم الصيد وبقه بارع فيه لازم نكرمه ونحتفل بيه وخاصة لو كان من اولادنا واخواتنا القادرون بإختلاف.السنة دي حنحتفل بيهم من خلال معرض( باب رزق ٢).المعرض مخصص ليهم ….ومن خلاله حيقدموا نفسهم لينا كمنتجين ومبدعين وأصحاب حرف يدوية وقادرين باختلاف.احنا كمان ناويين نقدم لهم جزء ترفيهي ونكرمهم ونكرم ذويهم ….عايزينهم يشوفوا حبنا وتقديرنا لهم. عشان كده (باب رزق) المرة دى هيكون مختلف هو دعوة للإنسانية ، دعوة تصحصح فى قلوبنا احساس محتاجين نحس بيه قبلهم. حضورنا وتشجيعها ليهم واجب علينا كلنا🥰🫶 منتظرينكم فى “باب رزق ٢”يوم السبت ٢٠٢٢/١٢/١٠ فى أجمل شواطئ الإسكندرية (شاطئ ذوي الهمم) بالمندرة تعالي وفرحهم وهات اصحابك معاك …..