✨ تتخيّل؟ ⁉️
ان المسلات اللي خطفت الأنظار في افتتاح المتحف المصري الكبير…
واللي النهاردة واقفين في لندن و نيويورك…
كانوا زمان واقفين بكل شموخ على كورنيش محطة الرمل في إسكندرية؟ ⁉️🤯🌊
أيوه… كانوا هنا حتى قرب نهاية القرن الثامن عشر الميلادي ..
جنب البحر… والهواء… والموج اللي حافظ أسرار آلاف السنين.
و اسمهم..”إبر كليوباترا”
👈لكن المفاجأة ⁉️
ان و لا كليوباترا بنتهم… ولا حتى نقشت عليهم حرف! 😮
اللي بناهم هو الملك العظيم ” تحتمس الثالث”
ونقوشه لسه منقوشة على الجرانيت لحد النهاردة… و شاهدة على العظمة ديه ..✨
👈طيب… ليه اتسمّوا بإسمها ؟ ⁉️
وإيه اللي جابهم أصلًا لإسكندرية؟ ⁉️🤔
👈 تعالى اقولك ازااى … 👇
المسلتين اتنحتوا بمدينة “أون” هليوبوليس (عين شمس حاليًا)..قدّام معبد الإله رع… إله الشمس .
تمر السنين…
و فى العصر البطلمى ..
كليوباترا..تقرر تنقل المسلتين لإسكندرية لتزيين مدخل معبد ضخم اسمه القيصرون..
بنته لإبنها ” قيصرون” … وتخليدًا لوالده “يوليوس قيصر” .
الرومان لما شافوهم… انبهروا بالشكل والعظمة..
ومن اللحظة دي اتسمّوا ب إبر كليوباترا.
المعبد اختفى…وكمااان الحي الملكي اندثر…
وفضلوا المسلتين بس… واقفين قدام البحر زي الحراس.
👈 من هنا بقى تبدأ القصة …
✈️ المسلة الأولى → بريطانيا (لندن)
▪️ فضلت أكتر من 2000 سنة واقفة في ميدان المسلة (محطة الرمل حاليًا).
▪️ أُهديت لبريطانيا من محمد علي باشا والى مصر وقتها ..تكريمًا لانتصار اللورد نيلسون سنة 1801م.
▪️ اتنقلت سنة 1878م واتثبتت عند ضفة نهر التايمز… ومعاها تمثالين أبو الهول.
▪️ اتضررت في الحرب العالمية الأولى بقنبلة ألمانية سنة 1917م… وأثرها لسه واضح لحد النهاردة.
✈️ المسلة الثانية → الولايات المتحدة (نيويورك)
▪️ أهداها الخديوي توفيق (ابن الخديوي إسماعيل ) سنة 1879م للولايات المتحدة لتدعيم العلاقات المصرية الأمريكية.
▪️ اتفكّت من نفس المكان اللي واقف فيه دلوقتي تمثال سعد زغلول في محطة الرمل.
▪️ وصلت نيويورك واتنصبت في سنترال بارك يوم 22 فبراير 1881م.
💫 إبر كليوباترا مش مجرد مسلات…
دول جزء من روح إسكندرية..
من ذاكرة البحر..
من تاريخ مش بيصدّق إنه حجر لأنه حيّ..
لو المسلات اتكلمت… كانت هتقول:
“العالم كله شافنا… وانبهر…
بس البحر هو اللي عرفنا.” 🌊
اللي اتنقل كان حجر…
واللي فضِل هنا… روح المكان وذكرى الحكاية..
وإسكندرية؟⁉️
لسه عندها أسرار تانية…
استنّونا… في حكايات تانية من قلب إسكندرية اللى بحرها حافظ سرها 👀🌊
Hits: 1