🛑الأكياس البلاستيكية سعرها منخفض جدا وكمان بيتم استخدامها اكتر من مرة بالإضافة لخفة وزنها وسهولة استخدامها …. لكن من النهارده لازم نتوقف عن استخدامها عشان صحتنا 🩻وصحة اولادنا🧖 👈عارف لما بتشترى عيش سخن🥖🥐 ونحطه فى كيس بلاستيك بتشوف البخار اللى بيطلع من العيش ويتكثف ع الكيس ويخليه ينكمش وشكله يتغير عارف ايه اللى بيحصل ؟؟🤔.. بيحصل تفاعلات ضاره بين حرارة العيش🔥 والمواد المصنعة للكيس واللي هي من مشتقات الوقود وبينتج عنها تغيرات واضطرابات هرمونية خطيرة في الجسم.وكمان الأكياس والعلب البلاستيكية اللي بنتستخدمها في حفظ الاكل بتزود من فرص الإصابة بالتشوهات الخلقية للأجنة ،وبترفع خطر الإصابة ببعض الأمراض السرطانية وإضعاف الجهاز المناعي ودا كله بسبب وجود مواد كيميائية فى الاكياس تتفاعل مع الاكل المحفوظ.👈طيب احنا كدة قولنا المشكلة نعمل ايه عشان نحمى نفسنا وولادنا🤔..🔸️اولا : لازم نستغني فورا ونتوقف عن استخدام الاكياس البلاستيكية و نستخدم بدلها أكياس ورقية أو نصنع لنفسنا اكياس او شنط قماشية ودي حضرتك حتستخدمها مرات كتيرة وبشكل ٱمن.🔸️ثانيا :متحطش اى اكل سخن في الأكياس البلاستيك، لان هيحصل تفاعل بين الاكل والاكياس البلاستيكية ويؤدى لكل الامراض اللى اتكلمنا عنها اول المنشور .🔸️ثالثا :بلاش تستخدم ازايز المياه البلاستيك مرات عديدة وتخليها من اساسيات التلاجة☝️ استبدلها فورا بالزجاجية.🔸️رابعا : لازم نختار العلب المصنوعة 🥫من المعادن أو الزجاج 🍶او الاستنانلس عشان نخزن فيها المواد الغذائية بدلًا من العلب والأكياس البلاستيكية.✅️احنا لازم نغير عاداتنا وثقافتنا مع كل تطور بيحققه العلم وبيثبت اننا كنا بنمارس عادات خاطئة مضرة نتمني للجميع السلامة مع تحيات قسم الاعلام والعلاقات العامة🙋♂️