💐أوبافيون دي فلوريل💐
من أشهر محلات لبيع الورد في إسكندرية 🌊
🌹معنى اوبافيون دي فلوريل (بيت الزهور باللغة الفرنسية)
واللي اختار الإسم الخواجة اليوناني عبده مرسي هو وشريكه المصري المعلم حميدو.
🌹مكانه في شارع فؤاد وده من أعرق شوارع الإسكندرية في المنطقة المعروفة بالحي اللاتيني وكانت للقنصليات والجاليات الأجنبية.
🌹بعد رحيل اليوناني عبده مرسي عن مصر ورجوعه لبلده المعلم حميدو بقي هو المالك الوحيد للمحل وفضل محتفظ بأسم المحل.
🌹رغم توارث الأجيال الا ان تراث وشكل المحل وديكوراته متغيرتش لحد النهاردة.
🌹 ومن أشهر النجوم اللي كانوا بيترددوا على المحل لحبهم في الورد (مريم فخر الدين وليلي مراد وزهرة العلا و شادية وفاتن حمامة وسعاد حسني وأسمهان و عماد حمدي وموسيقار الأجيال محمد عبدالوهاب وفريد الأطرش، والفنان الكوميدي إسماعيل ياسين، وأم كلثوم
🌹والعندليب عبدالحليم حافظ صور في المحل واحد من مشاهد فيلم موعد مع السعادة.
🌹الورد من اللغات الجميلة اللي كتير مننا بيحبها وبتغير من شكل اي مكان بتكون فيه.
🌹الصورة من رسم الفنان التشكيلي السكندري دكتور خالد هنو.
Hits: 1131