محطة مصر – الإسكندرية 🚆
👈هل كنت تعرف إن محطة مصر بالإسكندرية
..هى تاني أقدم محطة قطار في الشرق الأوسط وأفريقيا؟⁉️
آه والله… مش هزار 😌
طب ازاااي؟⁉️
تعالى أحكيلك الحكاية من أولها 👇👇
محطة مصر بالإسكندرية هي تاني أقدم محطة قطار بعد محطة مصر بالقاهرة (رمسيس )
وهي مش مجرد محطة قطار … دي تحفة معمارية وتاريخية عدّى عليها أكتر من قرن ونص
و اللى اتبنت سنة 1856 ..مع إنشاء أول خط سكة حديد يربط القاهرة بالإسكندرية.
👈 الحكاية بدأت إزاي؟⁉️
القصة بترجع لسنة 1851.. لما الخديوي عباس حلمي الثاني قرر يدخل مصر عصر السكة الحديد..
وأسند مهمة إنشاء أول خط حديد يربط بين القاهرة و الإسكندرية..للمهندس البريطاني “روبيرت ستيفنسون”
🔹 سنة 1852 بدأ الشغل فعليًا و إنشاء أول خط سكة حديد يربط القاهرة والإسكندرية.
🔹 سنة 1854 تسيير أول قاطرة تمشي من القاهرة لحد كفر الزيات .
🔹 سنة 1856 الانتهاء من تنفيذ الخط بالكامل و اللى يوصل لحد محطة مصر بالإسكندرية 🚂
👈 طب والمحطة نفسها ؟⁉️
محطة مصر اتبنت على إيد شركة بلجيكية متخصصة في محطات القطارات ..واستغرق بناؤها 7 سنين كاملة ..وده بسبب ظروف صعبة زي تعطّل استيراد مواد البناء وقت الحرب العالمية الأولى.
الأحجار اللي اتبنت بيها المحطة كانت بتتجاب من اليونان وإيطاليا .
👈أما التكلفة؟⁉️
وصلت لـ 350 ألف جنيه…
مبلغ كان وقتها يتوصف إنه خيالي بكل المقاييس..و اتكلمت عنه الصحف العالمية ..كإنجاز ضخم وقتها .
وفي عهد الملك فؤاد الأول ..تم توسيع المحطة وإعادة بنائها بالشكل اللي نعرفه دلوقتي وافتتح المبنى الحالي رسميًا سنة 1927.
👈 ومن ساعتها…
ومحطة مصر واقفة شاهدة على تاريخ مدينة كاملة .. 🚉
👈و بكدا خلصت حكاية النهاردة و استنونا دايما فى حكايات وقصص مميزة عن اسكندرية و تراثها 🙋♀️
Hits: 5