نام وفى حضنه المايوه….. وحلم يجرى ويلعب ع الرملة ويبني بيت…. ويزعل لما الموجه تهده.
اتمني يجرى ع البحر يحضنه ويرمى نفسه فيه. لكنه افتكر أنه مش هيقدر ينزل الميه الا لو معاه حد يشيله… وافتكر كمان أنه لو نزل مرة هيتكسف يطلب حد يساعده التانية .
ولما وصل شاطئ أصحاب الهمة والإرادة لقي البحر مختلف…..
ناس بترحب بيه ويشجعوه ينزل البحر من غير خوف.
رامب يقدر يمشي عليه بكرسيه لحد ماينزل المايه وعوامات مخصوصه علشانه.
وقتها نسي تعبه وحس أنه زيه زى غيره ، يقدر ينزل لوحده ويلعب براحته ….بص للبحر وقال له اخير فكرت فيا .
بكل الحب والسعادة استقبل شاطئ ذوي الهمم بالمندرة الامس رابطة ذوى الهمم بمدينة أبي المطامير التابعة لمحافظة البحيرة وكذلك فريق الحسن للسباحة ومجموعة من ذوى الهمم من كاريتاس مصر وكذلك رابطة أبناء التحدى بالإسكندرية وكان فى استقبالهم السيد اللواء محمد الشريف محافظ الإسكندرية واللواء جمال رشاد وكيل الوزارة رئيس الإدارة المركزية للسياحة والمصايف ومجموعة كبيرة من موظفى الإدارة .
أبدى الحضور سعادتهم وفرحتهم عندما تمكنوا من النزول الي مياه البحر دون إثقال علي ذويهم ..وكانت المفاجأة أن الكثير منهم ينزل لمياه البحر للمرة الأولي في حياته .
ومازال شاطئ الخير والسعادة يستقبل العديد من الجمعيات يوميا ويرحب باستقبال كافة الجمعيات الخيرية وذوى الهمم .