طول عمر اسكندرية وهى معروفة انها مدينة (كوزموبوليتان)
يعني مدينة فاتحة بابها من مئات السنين لكل الناس بغض النظر عن جنسياتهم و ديانتهم وثقافتهم ومعتقداتهم السياسية.
اصحاب الحرف كانوا بييجوا لها من كل بلاد العالم عشان يشتغلوا فيها ، وكمان الفنانين والادباء.
يمكن ده حصل عشان كرم اهلها ، وممكن عشان سحر بحرها وحلاوة جوها في صيفها وشتاها.
لسه شاطئ الخير والسعادة (المندرة المجانى )فاتح ابوابه لمحبيه ورواده واستقبل النهاردة
▪️ رابطة ((ذوي الهمم ابو المطامير بمحافظة البحيرة)) بإجمالي ٨٥ فرد وهي الزيارة التانية ليهم الصيف ده.
▪️ايضا جمعيه ابشر ٥٠ فرد
كان في استقبالهم قسم العلاقات العامه بالادارة اللي رحب بيهم و تولي تنظيم وترتيب اقامتهم .
استمتع الابطال ومرافقيهم بالشاطئ ووجهوا الشكر للسيد اللواء/ محمد الشريف محافظ الاسكندرية وللإدارة المركزية للسياحة والمصايف علي كل ماقدموه من تسهيلات وتجهيزات علي الشواطئ اسعدتهم خلال موسم الصيف الحالي.
كما استقبل نفس الشاطئ اطفال من مركز تدريب أطفال التوحد والاعاقات الذهنية بمحافظة المنوفية باجمالي ٤٠ فرد.
🛑ومن أخبار النهاردة ايضا وصول مجموعة من الغطاسين من فريق “من أجل مصر” بكلية التربية الرياضية جامعة الإسكندرية وعدد من المتطوعين من منظمات المجتمع المدني بقيادة الدكتور رأفت حمزة الأكاديمي بجامعة الإسكندرية والمدرب الدولي المعتمد للغوص، وبمشاركة 40 غطاس لتنظيف قاع البحر بشاطئ المندرة لاقتراب الموسم الصيفي علي الانتهاء وتزامنا مع الجهود المبذولة لنظافة البيئة البحرية.
لسه الصيف مخلصش ولسه بنستقبل جمعيات ولسه طمعانين أن يكون لينا نصيب فى إدخال الفرحة ورسم البسمه علي قلوب اولادنا من ذوى الهمم نرحب باستقبال كافة الجمعيات الخيرية والمستشفيات وذوى الهمم والمكفوفين علي شاطى الخير والسعادة .
Hits: 25