تعرف ليه الاسكندرانية بيقولوا مشروع مش ميكروباص ؟؟🤔🤔🚌🚌
الحكاية بتبتدى لما السيدة جيهان السادات إقترحت علي بنك ناصر سنة ١٩٧٦مشروع كان المشروع داه عبارة عن سيارات أجرة لونها بالكامل برتقالي لحل أزمة التاكسي فى إسكندرية خاصة فى الصيف ويكون مختلف عن التاكسي الموجود فعلا إللي كان لونه اسود و برتقالي لكن التاكسي المقترح يكون برتقالي بس ويكون قايم علي نظام الاتفاق فى الاجرة بين السائق والراكب أى بدون عداد ولما زاد عليه الطلب تم الاستعانة بالميكروباصات وبعدين تم تعميم خدمة السيرفيس داخل وخارج الإسكندرية وتم السماح بأى لون للسيارة وخرج المشروع من بنك ناصر.
بس لسه الإسكندرية بيقولوا عليه مشروع مش ميكروباص.
وبكدة الإسكندرية تعتبر أول محافظة تم تشغيل السيرفيس بين احيائها بالنفر.
بالتعاون مع صفحة حواديت إسكندرية