✨ هل سبق لك ودخلت في مغامرة تاريخية حقيقية؟⁉️
تعالى معايا نغوص في رحلة عبر الزمن… بين عبق الحضارات وأسوار التاريخ 👣⏳
في قلب المنشية ..بشارع بحري بك في حي الجمرك.. هتلاقي تل عالي ببرج أثري أنيق…
اسمه ” كوم الناضورة” أو زي ما كان بيتقال زمان ” تل وعِلة” .
ده مش مجرد تل… ده سجل حي لتاريخ الإسكندرية على مر العصور .. كل حجر فيه بيحكي حكاية.
⬅️ البداية… كانت فى القرن الثاني الهجري :
▪️التل اتسمّى “تل وعِلة” نسبة لعبد الرحمن بن وعلة.. أحد كبار التابعين ( هم اللى جاءوا بعد عصر النبوة )
و أحد رجال الحديث (هم الأشخاص اللى نقلوا الحديث الشريف) والمدفون هناك.
▪و مع مرور الوقت ..️ضم كمان قبور ثلاثة أئمة كبار من المذاهب الإسلامية الثلاثة:
🔹️ الإمام أبو طاهر السلفي – الحنفي
🔹️الإمام أبو بكر الطرطوشي- المالكي
🔹️ الإمام أبو عبد الله محمد بن أحمد الرازي- الشافعي
تخيل⁉️… ده المكان الوحيد فى العالم اللى بيضم رفات ثلاثة أئمة كبار للمذاهب الأربعة الإسلامية .
⬅️ فى العصر الفاطمي :
▪️ اتبنى أول برج لمراقبة السفن في الميناء الغربي (ميناء إسكندرية البحري حاليًا).
▪️ أصبح مركز اهتمام الخلفاء والسلاطين كنقطة استراتيجية لمراقبة التجارة والدفاع
▪️ ومن العصر الفاطمي.. اصبحت مقبرة المدينة الرئيسية .
⬅️ اثناء الحملة الفرنسية على مصر – 1798م :
▪️أمر نابليون بونابرت.. ببناء طابية حربية في التل
واتسمّت باسم “طابية كافاريللي” نسبة لمهندس فرنسي توفى أثناء حصار عكا سنة 1799.
⬅️ عصر محمد علي باشا وخلفائه:
▪️ الطابية اتجهّزت بستة مدافع وعدد من المتاريس
▪️ اتعمل صهريج مياه سنة 1876
▪️ اتعمل مرصد صغير لدراسة الفلك وتحديد بداية ونهاية الشهور الهجرية 🌙✨
يعني كوم الناضورة كان مكان حربي وعلمي في نفس الوقت!
⬅️الاحتلال البريطاني لمصر 1881م :
مع الاحتلال :
▪️ اتدمرت طابية كافاريللي
▪️ المكان اتحوّل إلى مركز للمراقبة الساحلية
▪️ أُعيد بناء البرج عام 1936 ليصبح مقر قيادة مراقب الميناء البريطاني ومساعده المصري .
وفي سنة 1926:
▪️ اتبنى برج جديد على أنقاض البرج الفاطمي:
🔹️ارتفاعه 24.5 متر
🔹️له ثلاث مستويات ونوافذ معقودة
🔹️من الداخل نجمة بارزة.. وأعلى الشرفة طبق نجمي مفرغ ✨
⬅️ أسرار “كوم الناضورة” لسه بتطلع للنور لحد النهاردة:
كل حفرة وكل ركن في التل بيحكي عن وجود :
▪️ مقابر فاطمية على عمق 6 أمتار
▪️ تيجان أعمدة وشواهد قبور من عصور مختلفة
▪️ خزف من مصر والشام وتونس وغرناطة ومالطة
▪️ ️ فخار مملوكي
▪️ شبك عثماني
▪️ صهاريج أثرية
▪️ بقايا سور المدينة القديمة
▪️ باب أثري اسمه “باب الخوخة” – باب صغير ملوش مثيل في مصر
“كوم الناضورة” مش مجرد تل…
ده مكان لمس عصور مختلفة وكل عصر ساب بصمته…
👈 بكده خلصت رحلتنا… لكن مغامراتنا عبر الزمن لسه مستمرة!⏳
استنونا في رحلة جديدة ..لنكتشف سوا أسرار التاريخ وحكايات إسكندرية العتيقة. 🙋♀️
Hits: 2