المنشية قلب إسكندرية 🌊 وفيها حكايات كتير وتاريخ كبير 📜 والنهاردة هنتكلم عن واحدة من أقدم الكنائس في إسكندرية 🌊 ⛪ كنيسة سانت كاترين ⛪
💬 الحكاية بدأت في القرن ال ١٥ لما كان الفرنسيسكان (الكاثوليك) عايشين في إسكندرية بنوا كنيسة لكن مع الوقت اتهالكت واختفت وبقت أنقاض وبعدها تقريبا سنة ١٨٣٢ محمد علي أهداهم أرض واتبنت كنيسة ⛪ سانت كاترين ⛪
ليه اتسمت بالإسم ده ⁉️
📅 لأن سنة ٣٠٧ في عصر حكم الإمبراطور مكسيمينوس اللي كان بيضطهد المسيحيين استشهدت القديسة كاترين على ايده بعد تعذيبها.
⛪ ودلوقتي تعالوا نتعرف شكل الكنيسة ومحتوياتها
⛪ اتبنت على الطراز البازيلكي طراز معماري روماني وليها ٣ مداخل اللي في النص هو المدخل الرئيسي واعلى من المدخلين الجانبين المتشابهين وفوقه تمثال لسانت كاترين وفي واجهة الكنيسة تماثيل رخام للقديس أنطونيوس البادوي وهو يحمل الطفل يسوع، والقديس إثناسيوس الرسول حامي الإيمان، والقديس فرنسيس الإيسزي مؤسس الرهبنة الفرنسسكانية.
⛪ فيها ١٢ أيقونة من الزيت فوق العمدان الرئيسية ويعتبروا من أهم الأيقونات لأنهم إهداء من الملك فردينالد الأول ملك النمسا وده كان سنة ١٨٤٧
⛪ فيها ٩ هياكل للقديسين مدفونين فيها واتدفن فيها آخر ملوك ايطاليا الملك فيكتور عمانوئيل الثالث (اللي على إسمه ميدان فيكتور عمانوئيل) في سموحة واللي توفى سنة ١٨٤٧.
⛪ فيها جسد القديسة سابينا اللي استشهدت اخر القرن الثالث الميلادى في روما وجسدها محفوظ في صندوق زجاج وفي لوحة رخام مكتوب عليها باللغة اللاتينية.
⛪ فيها أقدم آلة موسيقية فى التاريخ وهى الأرغن اللي كانت بتستخدم في الصلاة
⛪ كنيسة سانت كاترين من أكبر الكنائس في مصر وأغناهم في الزخرفة والعناصر المعمارية المميزة وبيجلها زوار من كل مكان في العالم 🌍
Hits: 3