👑كليوباترا السابعة… ملكة حكمت مصر من إسكندرية
كليوباترا السابعة هي آخر ملكة حكمت مصر،
وأكتر واحدة اسمها لسه عايش لحد النهارده.
💫👑اللي ناس كتير متعرفوش إن كليوباترا كانت بنت إسكندرية بالمعنى الحقيقي،اتولدت سنة 69 قبل الميلاد،واتربت في قصور البطالمة اللي كانت موجودة على بحر إسكندرية.
💫أصلها يوناني بطلمي،بس كانت مختلفة عن اللي قبلها،أول واحدة في عيلتها تتعلم اللغة المصرية القديمة،وكانت فاهمة كويس قيمة مصر وشعبها.
💫من وهي صغيرة اتعلمت سياسة، لغات، واقتصاد،
كانت مهتمة جدا بكل العلوم.
💫👑🔹 إمتى وإزاي مسكت الحكم؟
لما والدها بطليموس الثاني عشر مات سنة 51 ق.م،
كليوباترا كان عندها حوالي 18 سنة،ومسكت الحكم رسميًا مع أخوها الصغير بطليموس الثالث عشر
زي ما كان العُرف في العيلة البطلمية.
بس الحكم المشترك مكملش، وحصل صراع كبير بينها وبين أخوها وحاشيته، وانتفت كليوباترا بره إسكندرية فترة.
وهنا لعبت أذكى لعبة سياسية في حياتها🎽🌊رجعت إسكندرية،وقدرت توصل لـ يوليوس قيصر
(أقوى قائد عسكري في روما ساعتها، والحاكم الفعلي للجمهورية الرومانية)،وكسبت دعمه.
الصراع انتهى بموت أخوها،ورجعت كليوباترا تحكم مصر تاني.💫👑
⬅️🔹 حكمت منين؟
وقتها ، إسكندرية كانت عاصمة حكمها الفعلية،
ومن قصورها على البحر كانت بتدير الدولة، وتتحكم في التجارة، وتتعامل مع روما كقوة عظمى.
بعد كده حكمت مع أخوها الصغير ،وبعدين حكمت لوحدها فعليًا،خصوصًا بعد تحالفها مع مارك أنطونيوس (القائد الروماني الكبير، والمسؤول عن شرق الإمبراطورية الرومانية بعد اغتيال قيصر).
🏛️💫👑كليوباترا حكمت مصر حوالي 21 سنة
من سنة 51 ق.م لحد 30 ق.م،وكل السنين دي تقريبًا
كانت إسكندرية هي مركز الحكم والسياسة.
Hits: 2