اسكندرية بلد التاريخ.. والجمال اللي ما بيخلصش 💙
ومن أقدم حكاياتها وأجملها.. حكاية رأس التين 🏛️
📍منطقة رأس التين من أقدم مناطق الإسكندرية، مكان بيطل على البحر 🌊 من ناحية الغرب، وكان زمان من المناطق الهادية المليانة خُضرة وأشجار تين 🏝️ ومن هنا بقى اتسمي “برأس التين” لأن المنطقة كلها كانت مليانة بأشجار التين 🌿
🔹 وفى سنة 1834، محمد علي باشا — مؤسس مصر الحديثة — قرر يبني قصر 🏛️ يطل على البحر يكون مكان يستريح فيه هو وأسرته في الصيف 🌅 فاختار أجمل موقع في إسكندرية، وبنى هناك قصر رأس التين 🏛️
🔹 القصر ده كان تحفة فنية اتبني على الطراز الكلاسيكي والإيطالي، فيه أعمدة رخام وسلالم فخمة وحدايق بتطل على البحرتحفه ، وكان فيه مينا صغير بتدخل منه المراكب لحد باب القصر …
🔻 القصر كمان شاف على مر السنين ملوك وسلاطين ورؤساء كتير.
▫️كان الوالي محمد علي بيقضي فيه الصيف، وبعده جه الخديوي إسماعيل اللي جدده وأضاف ليه لمسات فخمة عشان يستقبل فيه ضيوفه الأجانب.
👑 وفي عهد الملك فاروق، بقى القصر المقر الصيفي الرسمي للعيلة المالكة، وكان بيحب يقضي فيه شهور الحر ويستقبل كبار رجال الدولة والوفود
🔸لكن أهم لحظة شافها القصر وعاشتها مصر كلها كانت سنة 1952، لما غادر منه الملك فاروق مصر على يخت المحروسة بعد إعلان الجمهورية والغاء الملكيه .
🔹ومن نفس بلكونة القصر، ودّع فاروق البحر واسكندرية كلها وبدأ التاريخ صفحة جديدة 🇪🇬
🔸وبعد الثورة القصر بقى واحد من استراحات رئاسة الجمهورية، ولسه لحد النهارده بيُستخدم كمقر صيفي رسمي، وبتتعمل فيه لقاءات واحتفالات في المناسبات الوطنية المهمة 🇪🇬
🏛️ قصر رأس التين مش مجرد مبنى… ده شاهد على تحول عصور، من أيام محمد علي لحد دلوقتي.
🔻كل طوبه فيه بتحكي حكاية، وكل زاوية فيه بتفكرنا إن إسكندرية مش بس بحر وجمال، دي صفحة من التاريخ عايشة بينا لحد النهارده
🚶لو رُحت رأس التين، هتحس فعلاً إنك ماشي وسط التاريخ…
من هناك تقدر تشوف ميناء الإسكندرية القديم، و بحري والأنفوشي، بروح الإسكندرية الأصيلة ….
👀 وما تنساش تبص للقصر من بعيد، لأن حتى من بره… هيبهرَك بش تصميمه وجماله الفريد
🔘استنونا فى حكايات تانيه عن معشوقه الجماهير وملكه قلوب المصريين سكندريتنا المميزه 🔘
Hits: 2