حكاية أغنية شط إسكندرية – للفنانة الجميلة فيروز 🌊☕️
📻زمان، وإذاعة صوت العرب كانت بتنور الفن العربي، قررت تعزم الفنانة فيروز والأخوين الرحباني ييجوا مصر، يقضوا وقت جميل، ويشوفوا بلادنا الحلوة، واتفقوا ساعتها إنهم ينتجوا حوالي ٣٨ أغنية 🎵🎶لصالح الإذاعة المصرية.
🌅🌊ومن ضمن زيارتهم،
راحوا إسكندرية… مدينة البحر والهوا و السعادة. 💙حبوها، واتأثروا بيها،
وغنّت فيروز واحدة من أجمل أغانيها:
«شط إسكندرية يا شط الهوا».
💙ومن وقتها بقى البحر عندنا مرتبط بصوت فيروز وأغانيها مع نسمة الهوا، وكوباية القهوة ☕️.
🎶💙كملت الأغنية رحلتها،
واتذاعت في فيلم «الطريق»
عن رواية أديب الأدب العربي نجيب محفوظ، وظهرت فيه شادية
وهي بتغني الأغنية وبتتراقص على ألحانها، والفيلم من بطولة
رشدي أباظة – 😍شادية – سعاد حسني.
💙🎶أغنية شط إسكندرية
مش مجرد أغنية…
دي تراث إسكندراني فيروزي أصيل،
عايش معانا في الذاكرة وفي كل صيف وفي كل صباح على البحر.
صباحكم شط إسكندراني 🌊💙
Hits: 27