🏩🎻 فندق مشهور في إسكندرية
فوق تريانون – محطة الرمل
أماكن أول لما تسمع اسمها…❤️ قلبك يدق، إحساسك يتغير ، وتبقي عايز تروح تقعد هناك فورًا
وتفتكر أحلى ذكريات وأجمل أوقات في أشيك أماكن إسكندرية 🎻
🏩فندق متروبول – Le Metropole Hotel
تاريخ عايش في قلب المدينة 🏩🎻
الفندق اتبنى سنة 1902 على الطراز الكلاسيكي، ومن ساعتها وهو شاهد على زمن مختلف، زمن الشياكة والهدوء والرقي.
📍 عنوانه في شارع سعد زغلول – فوق تريانون – محطة الرمل وقدّام البحر الأبيض المتوسط،
موقع يخليه كأنه جسر بين إسكندرية زمان وإسكندرية دلوقتي 🌊
🏛️🎻أول لما تدخل الفندق تحس إنك رجعت عصر تاني….تصميم كلاسيكي، تفاصيل دقيقة، ديكور يودّي الخيال بعيد …عالم من الشياكة مش سهل تلاقيه دلوقتي …غير في أماكن قليلة جدًا زي دي🎻
🏩الفندق نفسه شبه متحف …تمشي فيه وتبص حواليك تحس إن كل ركن ليه حكاية وكأنه أثر تاريخي مفتوح للسفر لعصر مختلف.. و الغرف المحتفظة ب الاستايل الكلاسيكي الجميل…كأنك قاعد في قصر…👑🏛️
🌅اما القعدة في التراس؟ سواء الصبح بدري أو وقت الغروب قدّام البحر وميدان سعد زغلول …جو ما يتوصفش 🌊❤️ صور، ذكريات، وإحساس مختلف تمامًا 🎑📷
🎻🏩متروبول كان مكان له طابع خاص، وده اللي خلّى فنانين وشعراء وأدباء يقعدوا فيه زي:
نجيب محفوظ، نجيب الريحاني، ليلى مراد، محمد عبد الوهاب وكمان الشاعر اليوناني السكندري الشهير كفافيس…👑
🏩الفندق شهد تصوير مشاهد من الفيلم البريطاني المعروف
Ice Cold in Alex سنة 1958
واللي أحداثه بتدور وقت الحرب العالمية التانية
🏩🎻زيارة متروبول …. جولة جوه الذاكرة في مكان تاريخي لسه محتفظ بروحه لحد النهارده
إسكندرية مليانة حكايات و
Le Metropole Hotel
قطعة أصيلة من تاريخ إسكندرية 🏨🎻
Hits: 2