في إسكندرية…
مش لازم تفتح كتاب تاريخ ..علشان تعرف يعني إيه زمن جميل
كفاية تمشي على الكورنيش ..وتقف شوية قدّام عمارة عمرها أكتر من 117 سنة..
شايلة حكاية راجل ..كان بيبني مش بس.. بيوت ..لكن أفكار… ومستقبل ..وحلم لبلد كاملة 👌
🏛️ دي عمارة “عمر بك لطفي”
واحدة من أقدم وأجمل المباني المعمارية على كورنيش إسكندرية وتحديدًا في محطة الرمل و اللى مبنية على الطراز الإنجليزي ..
👈 الحكاية بدأت إزاي؟⁉️
الفكرة كانت لـ عمر بك لطفي ..اللي قرر يبنى العمارة دي بمشاركة فهمي عبد المجيد واتكلف مهندسين إنجليز بأعمال التصميم والبناء.. وفضلت العمارة ملك ليهم لسنوات طويلة لحد وفاة فهمي عبد المجيد سنة 1939.
👈 واللي ناس كتير متعرفوش ⁉️
إن عمر بك لطفي ..هو كمان مؤسس مستشفى المواساة فى الإسكندرية ..
من خلال زيارة ليه هو وفهمي عبد المجيد لألمانيا
جت الفكرة:
ان ليه ما يكونش فيه مستشفى حديثة تخدم أهل إسكندرية؟
ومن هنا.. اتأسست مستشفى المواساة بطابع ألماني مميز ..و اللى موجودة لحد النهاردة
واللى كمان مش عارفينه ..انه فيه شارع بإسمه في منطقة المنشية .
👈 طيب… مين بقى هو عمر بك لطفي ؟⁉️
هو محامٍ وحقوقي و كاتب مصري ..ولد في إسكندرية سنة 1867 ..أصوله لأسرة مغربية وفدت لمصر في عهد محمد علي باشا تعلم في مدرسة الجمعية الخيرية ..وحفظ فيها القرآن الكريم وتخرج من مدرسة الحقوق سنة 1886
بعد تخرجه:
اشتغل في قلم قضايا الحكومة ثم في مكتب سعد زغلول وتعيّن قاضي بمحكمة قنا ..لكن قلبه كان دايمًا مع التعليم ..فاشتغل مدرس ووكيل لمدرسة الحقوق وبعدها رجع للمحاماة لحد وفاته.
👈 ليه اسمه محفور في التاريخ لحد النهاردة ؟⁉️
▪️ صاحب فكرة تأسيس النادي الأهلي المصري.
▪️ مؤسس أول نقابة عمالية في مصر .
▪️ لُقّب بـ ” أبو التعاون في مصر” .
▪️ أحد رواد الحركة التعاونية في العالم .
▪️ من أوائل الداعمين لحقوق المرأة .
▪️ صديق مقرّب للزعيم مصطفى كامل باشا .
👈 ومن مؤلفاته⁉️
الدعوة الجنائية في الشريعة الإسلامية ، حرمة المساكن ، حق المرأة ، حق الدفاع ، الوجيز في شرح القانون الجزائي ، شركات التعاون في مصر .
👈️ توفي في القاهرة سنة 1911عن عمر 44 سنة..
لكن أثره لسه عايش ما بينا ..
في عمارة..
وفي مستشفى..
وفي شارع بإسمه..
وفي تاريخ بلد كاملة ..
👈 وبكده تخلص حكاية النهاردة..
واستنونا دايمًا مع حكايات وقصص
عن إسكندرية… وتراثها وعراقتها 🙋♀️
Hits: 3