🔻فكرة جديدة للناس اللي بتحب السهر وعاوزه تغير جو
—————————————————————————–
بعد المغرب☪️☪️ قوم البس وهنقولك علي خروجة حلوة آوى……
انزل اى شاطئ من الشواطئ العامة أللى بتديرها المحافظة أقطع تذكرة ب٤ جنيه للفرد .. وأقضى احلي وقت من الساعة ٧ مساء ع البحر مع اسرتك أو زمايلك..
وإنت قاعد ع الرملة وقدامك البحر والهواء جميل ومعاك اللب والتسالي والساندويتشات ولو الشاطئ متوفر فيه كافتريا هتلآقى مشروبات أسعارها هتعجبك جدا وأقضى احلي وقت اية رأيك. ؟؟
⬆️⬆️إستني قبل ما تمشي كنت عاوز أسألك سؤال ..
هو أنا لو قاعد ع البحر من الصبح ليه ادفع تذكرة الصبح والساعة ٧ تقولي ادفع تذكرة تانية اية الموضوع داه❓❓❓❓
▪️كويس إنك سألت عشان إحنا أصحاب ودايما نتناقش في كل حاجة سواء ايجابية أو سلبية هقولك….
دلوقتي الشواطئ اللى بتديرها المحافظة عددها ٧ وواحد مجانى يعني ٨ بيديرها موظفين لحد الساعة ٧ آخر موعد لنزول المياه واخلاء البحر ومغادرة العمال ..بعد كدة قدامنا حل واحد اننا نشيل الكراسي و الشماسي كل يوم نوديها المخازن ونجيب شركة أمن وفي الحالة دي حنقفل الشاطئ والناس عايزة تكمل او تدخل تسهر. طب عملنا اية…… اجرنا الشواطئ دى لمستاجر ليلي يشغلها كافتريا برسم دخول ٤ جنية بس… منها يحافظ علي معدات و أمن للشاطئ ويبقي اوجدنا متنفس للناس اللى عاوزة تسهر ع الشاطئ ولو عاوز تدفع ٤ جنبه وتدخل تقعد من غير ما تطلب حاجة براحتك برضه.
بس دى حكاية التشغيل الليلي🔹
بالمناسبة…احنا دايما بنمر ع المستأجرين والكافتريات وحسب اتفاقنا معاكو اننا ف ضهركم ومعاكم.
ها تنزل تغير جو وتريح أعصابك شوية بقه ؟؟
❤️❤️❤️❤️
انتظرونا بالليل وموعد التقرير الشامل لشواطئنا رابع جمعة في سيزون الصيف.
صيف سعيد
Hits: 291