🌊 شواطئ اسكندرية في الشتا..
مساء الخير علي حضراتكم👋
احنا عرضنا أمس فيديو عن مجموعة شباب واضح انهم طلبة وأصدقاء في مرحلة الثانوي متجمعين مع بعض علي الشاطئ ..ف الحقيقة الفيديو مبهج جدا وكله طاقة ايجابية وحاز علي اعجاب اصدقاء كتير .
وبعد نشر الفيديو.. جات لنا أسئلة كتير جدا ⁉️ زي :
اسم الشاطئ ايه؟ وايه تفاصيل الدخول وهندفع كام وهل حد هيتعرض لنا ويضايقنا؟
احنا هنجاوب علي كل الأسئلة دي..
▪️ الشاطئ.. شاطئ جليم العام 🌊
▪️ تفاصيل الدخول.. لو داخل الشاطئ تتمشى 🚶♂️ او هتقضي يوم علي الرملة مع اصحابك وناوي انك تفرش مفرش كبير وتستمتعوا بالجلوس علي الرملة وده ف حد ذاته متعة محببة لكتير مننا ..وتفردوا الساندويتشات بقه والعصاير والطاولة واي العاب بتحبوها .. يبقي يا اهلا بيك وبيهم…. بنضمن لكم يوم تستمتعوا وتقضوا فيه وقت جميل وترجعوا منه بأجمل ذكريات ومجاااانا 👍👍..
▪️ لكن لو عايز تستخدم معدات الشاطئ (الكرسي والشمسية) هتدفع ثمن التذكرة (5 جنيه فقط) للفرد وهي شاملة شمسية وكرسي.
وهنا يجي السؤال اللي بيحير ويقلق ناس كتير..محدش هياخد مننا فلوس تاني ؟
هنرد عليك ونقول لك لو ح تأجر معدات..يبقي حتدفع تذكرة ع البوابة…يعني الفلوس اللي بتدفعها ع البوابة هي فلوس تأجير المعدات ولو حد طلب منك اي مبلغ تاني ارفض و اتصل بينا فورا علي أرقام الشكاوي 📱📲
٠١٢٨٩٢٥٢٦٦٨ – ٠١٢٧٠٧٤٦٤٩٠
٠١٥٠١٢٩٧٨٨٨ – ٠١١١٩٥٥٥٩٤٦
هتلاقي مفتشينا 🗣️ معاك وفي صفك تماما 💴
وبعدين للمعلومة نحب انك تعرف ان شاطئ جليم زيه زي الشواطئ العامة ادارتنا هي اللي بتشرف عليه..يعني مش ممكن تلاقي عليها نهائيا إساءة تعامل او إبتزاز لأي مواطن.
ياللا….. متضيعش الايام اللي باقية من اجازة نص السنة مش هتلاقي أجمل من بحر اسكندرية تشحن بيه طاقتك واحنا بنتمنالكم اجازة سعيدة على شواطئ أسكندرية الجميلة.
https://www.facebook.com/100068630572068/posts/504994351798246/?app=fbl
Hits: 26