صباح الخير متابعينا الأعزاء🙋
باذن الله عندنا ٣ أيام أجازة حيبتدوا من النهاردة.. حبينا نجدد دعوتنا ليكم بالنزول على شواطئنا قبل دخول النوة الجاية ..الجو جميل جدا ورائع وممتع يلا مستنيين إيه 🏃
كلنا بنستنى الويك إند بفارغ الصبر عشان نخرج ونغير جو خصوصا بعد فترة شغل أو إمتحانات ومذاكرة .. محتاجين نفصل ونغير جو .. وعشان كدا بننشر عليكم صور الشواطئ النهاردة الصبح.
🔻حابين نفكركم برضه بإستمرارية فتح الشواطئ (العامة) بالمجان لممارسة الرياضة والتمشى والصيد ودا بناء على قرار السيد اللواء محمد الشريف محافظ الأسكندرية🏃
🔻محبى الرياضة يقدروا يشرفونا فى شاطئ إسحاق حلمى بمنطقة سيدى بشر عشان فيه ملاعب الراكيت وكرة الطايرة وكرة القدم وكل دا بسعر الدخول بس عالبوابة ب١٥ جنيه للفرد وحتقضوا أجمل يوم رياضى قدام البحر ⚽🎾
🔻وزى ماحنا عارفين ان الخروجة ماتحلاش إلا بالفطار أوالغدا قدام البحر مع الصحاب والحبايب والعيلة و تصوير وتسجيل الذكريات الجميلة مع البحر في الجو الجميل النهاردة 📸
يلا منتظرينكم تشرفونا وتحكوا لنا تجاربكم مع البحر فى الأجواء الشتوية الرائعة دى 😍