✨ إسكندرية ليها سحر فكل حاجة حتى أسامي شواطئها 🌊 تلاقيها مختلفة وليها طابع مميز 💫
🏖️ والنهاردة هنتكلم عن شاطئ من شواطئ إسكندرية، غيرنا إسمه لكن سحره زي ما هو متغيرش ✨
🏖️ شاطئ عروس البحر ( سيدي بشر المميز سابقًا)
💬 قبل ما تعرفوا غيرنا إسمه ليه تعالوا نعرف حكاية سيدي بشر.
👳 كان في شيخ إسمه “بشر بن الحسين بن محمد بن عبيد الله بن الحسين بن بشر الجوهري” وهو من سلالة آل بشر اللي جت إسكندرية مع العلماء اللي جت من المغرب في الوقت ده في أواخر القرن ال ٥ الهجري أو أوائل القرن ال ٦ الهجري (في القرن ١٣ الميلادي).
🤲 واتشهر الشيخ بشر بالصلاح والتقوى وكان زاهد جدا واعتزل العالم وقعد في منطقة منعزلة على شاطئ البحر في إسكندرية وهي اللي اتعرفت بإسمه بعد كدة ولما توفي سنة ٥٢٨ هجرية (١١٣٤ ميلادي) اتدفن في نفس المكان اللي كان عايش فيه.
🕌 الناس من حبها فيه عملتله ضريح حوالين قبره ولما بعد كدة المكان بقي فيه عمار وسكان بنوا له مسجد وأتسمي بإسمه وده كان في القرن (١٩ الميلادي) والمسجد موجود بإسمه لحد النهاردة ولإن المسجد مشهور جدا ومعروف بقي إسم الشاطئ اللي قدامه على إسمه شاطئ سيدي بشر.
🏖️ وهنا نرجع لإسم الشاطئ اللي اتغير من شاطئ سيدي بشر لشاطئ عروس البحر 🧜
🌊 ولأن إسكندرية هي عروسة البحر كان مهم ان يبقى في شاطئ في اسكندرية بإسم عروسة البحر 🧜
📍وكدة اكيد مكان الشاطئ معروف قصاد مسجد سيدي بشر اللي عرفنا حكايته.
🏖️ سعر دخول الشاطئ التذكرة للفرد ١٥ جنية شاملة الكرسي و الشمسية و الترابيزة وإستخدام دورات المياه ووحدات تغيير الملابس.
🏖️ اخيرا ودايما بنفكركم ان مفتشينا على الشواطئ وقريبين منكم لو قابلتكم اي شكوى أو مشكلة تواصلوا معانا على ارقام الشكاوى
📞 01270746490 📞 01289252668
📞 01270477199 📞 01119555946
📞 01283136655 📞 01222970127
📞 01225304022
Hits: 218