🌻لسه فى الايام امل مستنيانا…طول ما فى ايامنا ناس عايشين عشانها🌻🌻لسه للاحلام بقية مكملينها طول ما فى احساس قلوبنا مصدقينه 🌻👌🏻كعادته شاطئ المندرة فاتح احضانه لاحبابه ودايما عامر بالخير والسعادة.النهاردة استقبل جمعية (رسالة للمكفوفين بكفر الزيات محافظة الغربية) وكانت فرحة اصدقائنا كبيرة جدا بشاطئهم ومكانوش متوقعين الاستعدادات اللي كانت في استقبالهم والمساعدات اللي اتوفرت لهم.وكمان استقبل شاطئ الخير والسعادة (نادي الشباب من الزاوية الحمراء بالقاهرة لذوى الاحتياجات الخاصة).👏الجميل ان شاطئ السرايا العام تنافس مع المندرة واستقبل عدد 80 طفل و طفلة من ايتام جمعية (أغصان الكرمة من محافظة المنيا) بالتنسيق مع مدرسة (چيرار الإسكندرية).واستقبل كمان (جمعية شباب غرب لتنمية المجتمع الإسكندرية ) ومعاهم عدد 60 طفل يتيم.فرحتنا وسعادتنا بتزيد لما بنشوف فرحتهم وسعادتهم.شكرا سيادة المحافظ لدعمك وتوجيهاتك لينا اننا نحتضن الجمعيات علي الشواطئ ونوفر لهم كل سبل الراحة.وشكرا لأهل الخير اللي بيشتركوا دايما معانا في الترحيب بيهم وتقديم الهدايا او المشروبات والوجبات.🧤كما أقيم بالشاطئ حملة توعية للرواد بالنظافة العامة وعدم إلقاء المخلفات فى مياه البحر وخطورتها علي الثروة السمكية من خلال طريق مؤسسة شباب 2030 للتنمية لتنفيذ برنامج مصر بتتكلم اخضر.ولسه مكملين ومستنيين كل الجمعيات الخيرية والمستشفيات وذوى الهمم والمكفوفين واطفال بلا مأوى وكل من له صله بالعمل الإنساني علي شواطئ الإسكندرية.