🌊
🤩اول شاطئ يقابلك وانت داخل اسكندرية من الطريق الصحراوى .
💎شاطئ مميز برسم دخول 15 جنيه شاملة الحصول علي كرسي وشمسية واستعمال دورة المياه و غرف تغيير الملابس….
🌠بيتميز شاطئ السلسلة بأنه 🏖️شاطئ له خصوصية ونسب الاشغال فيه بسيطة وبالتالي تقدر تستمتع انت وعيلتك فيه حتي فى الصيف… أما فى الشتا فالشاطئ قادر جدا أنه يسعدك وينسيك كل همومك الشاطئ متقسم لجزئين لو حضرتك من محبي القعدة علي الرمل هتلاقي الشيزلونجات الخضرا بتاعة زمان فى انتظارك 💚قعدة هترجعك سنيين كتير لورا أيام ما كانت الشواطئ مليانه بالشيزلونجات القماش الاخضر ومكناش نقعد عليها بعد طلوعنا من البحر عشان متتبلش…
☕والجزء التاني كافتيريا ممكن تقعد فيها وتسمتع بالبحر والموج .
ولو عاوز معلومات اكتر عن ازاى توصل للشاطئ وموقعة واسعاره هتلاقيها فى اللينك دا 👇👇
https://catr.gov.eg/beach/%d8%b4%d8%a7%d8%b7%d8%a6-%d8%a7%d9%84%d8%b3%d9%84%d8%b3%d9%84%d8%a9-%d8%a7%d9%84%d9%85%d9%85%d9%8a%d8%b2/
و كمان الشاطئ بيسمح بدخول 🥞🍕🍵🧃المأكولات والمشروبات…
🏖️ آخر حاجة سبب تسمية الشاطئ بالسلسلة ،كانت بسبب
وجود ( تمثال السلسله)
اللى ادام مكتبة اسكندرية .
اتبني تمثال «الأشرعة» او السلسلة سنة 1968 على نتوء قديم اتعرف بــ«رأس لوكياس»، والنتوء دا كان فيه سلسلة طويلة من الصخور. وكمان اكتشفوا بقايا سور اسكندرية الإغريقية تحت مياه السلسلة دى ، ولقوا بقايا عمدان وتيجان وعملات فضية كمان .
ومن هنا اتسمت المنطقة كلها بالسلسلة .
انتظرونا مع باقى شواطئ الإسكندرية
مع تحيات العلاقات العامه والاعلام بالإدارة المركزية للسياحة والمصايف.