اهلا بيكم متابعينا الأعزاء 🙋🏻♂️
النهاردة هناخدكم لشارع سوتر 🛣️
ونعرف ليه اتسمي بالاسم ده ⁉️
💬 احنا عارفين ان اسكندرية كانت عاصمة مصر زمان..
🔹وبعد وفاة الإسكندر الأكبر سنة ٣٢٣ قبل الميلاد..
🔸جه بطليموس الأول اللي أسس دولة البطالمة في مصر وتولي الحكم وكان ناجح وقوي وبيحافظ على مصر من اي هجوم عليها وكان قادر انه يحمي اليونان وجزر البحر المتوسط..
🔹ولما حصل هجوم على جزيرة رودس اللي في اليونان بعتلهم مساعدات من مصر عشان يتفك الحصار اللي كان لمدة ١٥ شهر ومن هنا جه الاسم.. {{بطليموس الأول سوتير}}
🔸 وده باللغة اليونانية معناه “المنقذ” والناس بعد كدة بقت تقول {{سوتر}}
🔹 وتخليد لذكراه اتسمي الشارع علي اسمه..
🔸وفي وقتنا الحالي أشهر معالم شارع سوتر هو مجمع الكليات اللي كل اسكندراني له ذكريات فيه عمره ما ينساها..
🔹وانت ماشي لما تعدي على الشارع افتكر حكايته واكيد هتفتكر كل ذكرياتك فيه.. وتابعونا دايما عشان تعرفوا حكايات اكتر عن اسكندرية 🏖️ 🌊
Hits: 68