معلومة عن سوق راتب (سوق الحقانية) 👌👌
موجود فى المنشية خلف سراي الحقانية إللى عرفنا معلومات عنها قبل كدا. بترجع تسميته لأبو بكر راتب باشا محافظ الإسكندرية في عام 1854، بنى كتير من المباني لخدمة أهالي إسكندرية ومن أهمها مدرسة راتب باشا برأس التين. السوق مشهور ببيع اللحوم و الطيور والأسماك والياميش والأدوات المنزلية والأقمشة. السوق لسه بيضم محلات قديمة للمصريين و كمان للأجانب إللى كانوا عايشين فى المنشية ضمن الجاليات. السوق أكيد مبقاش زى زمان بس هتفضل فيه الروح الشعبية الأصيلة إللى بتتميز بيها إسكندرية الحلوة.