📍 باب شرقى.. منطقة قلب إسكندرية المليان بالحياة!
بس يا ترى تعرف سبب تسمية المنطقة باسم باب شرقى 💙⚓
لو سألت أي سكندري عن باب شرقى ، هتلاقيه يقولك إنه واحد من أشهر المناطق في إسكندرية! 🌆✨
محطة الرمل القريبة، القهاوي القديمة، والجو اللي مليان روح المدينة.. كل ده بيخليك تحس إنك ماشي في مكان ليه تاريخ وحكايات! 🏛️☕
لكن عمرك فكرت.. ليه اسمها باب شرقى؟ 🤔🧐
⏳ حكاية الاسم من زمان ⏳
من احد أبواب سور مدينة الإسكندرية 👌 ايوه زمان كانت إسكندرية مُحاطة بسور ضخم لحمايتها من الغزوات، وكان فيه 6 أبواب رئيسية، وهي:
👈الباب الشرقي، باب سدرة، الباب الأخضر، الباب الجديد، باب الكراسته ، باب عمر باشا.. ولكن مع مرور الزمن الأبواب دي مع السور اندثرت 😔 ولم يتبقى منه سوى أجزاء صغيره .
🔳 الباب الشرقي كان من أهم الأبواب لأنه كان مدخل السلاطين والحكام للمدينة👳♂️، وكان يفتح ناحية الشرق جهة رشيد، ولذلك كان يُعرف ايضا باسم “باب رشيد”👌.
والنهاردة، حتى لو الباب اختفى، اسم باب شرقى فضل حي في قلوب السكندريين.. اسمه بقى مرتبط بالحياة، بالشوارع الزحمة، بالتاريخ اللي لسه بنعيشه لحد النهاردة! 💙✨ ولو عاوز تشوف أجزاء لسه موجوده من سور اسكندرية القديم هتلاقي أجزاء داخل حديقة الشلالات وفى استاد الإسكندرية
ولو عايز تحس بروح إسكندرية الحقيقية، ما تفوتش فرصة تتمشى في شوارعها❤ ..هتحس كأنك رجعت بالزمن لجمال المدينة القديم لان كل شارع فيها حتى الأسماء ليها اصل فى التاريخ من زمان خالص ⏳🚶♂️
#باب_شرق #إسكندرية_التاريخ #إسكندرية_اللي_بنحبها 💙
Hits: 1529