البحر دايمًا فيه خير وبركة، وكل اللي ربنا خلقه فيه فايدة للإنسان 🌊
وبحر إسكندرية معروف دايما بخيره، وبيضم أحلى وأجود أنواع السمك، زي البوري، القاروص، الدنيس، السردين، وغيرهم كتير.
🐟🎣كل اللي يجي اسكندرية بيقي مشتاق يأكل أكلة سمك حلوة
😋ومن أكتر أنواع السمك الاسكندراني اللي الناس بتحبها ((سمكة الدنيس))، وده علشان لحمها أبيض، طري، وناعم، وطعمها مميز ومناسب لكل الاعمار.
الدنيس 🐟كمان من الأسماك اللي ينفع تتعمل بأكتر من طريقة، وأفضلهم الشوي أو في الفرن، علشان تحافظ على قيمتها الغذائية وطعمها الطبيعي.
سمكة الدنيس 🐟غير طعمها الحلو، غنية بالبروتين والعناصر الغذائية المهمة، وده بيخليه اختيار صحي ومفيد للأسرة.
ℹ️السمكة بتبدأ حياتها ذكر صغير، ومع كبر حجمها وسنها، جزء كبير منها بيتحول لأنثى. التحول ده طبيعي جدًا وبيحصل علشان يساعد على استمرار النوع وزيادة إنتاج البيض في البحر 🐟✨
🌅 كمان لو بتحب الصيد، في أماكن في الإسكندرية معروف إنها شغّالة وصالحة للصيد بالسنارة والشبكة، زي المناطق الصخرية على الكورنيش في المنشية وبحري والشاطبي وكوبرى ستانلي، خصوصًا وقت هدوء الأمواج.
🎣وفيه كمان مناطق صيد مفتوحة زي خليج المكس اللي الصيادين بيطلعوا منه أنواع مختلفة من الأسماك، والأماكن دي بتناسب هواة الصيد بجانب البحر مباشرة خصوصا في فصل الشتا.
إسكندرية دايمًا بتكسب… حتى في السمك 🐟🌊
💪احنا ولاد البحر 🌊
🌅صباحكم اسكندراني اصيل
Hits: 2