كتير من المواطنين اللي بيتابعونا🚶🚶 وبيزورا شواطئ الإسكندرية ليهم اسئله كتيرة ؟؟عن سبب تغيير اسماء الشواطئ ، ومين الشخصيات اللي اتسمت الشواطئ على اساميهم .. في البوست ده هنعيد نشر بوست سبب تغير اسماء الشواطئ ومين الابطال دول واللي كان ليهم بصمه كبيره في مجال رياضة السباحه وعشان كده غيرنا اسماء الشواطئ على اسمهم .. اول ابطالنا السباح العالمي عبد اللطيف أبو هيف🏊🏊 (تمساح النيل) كرمته مصر والعالم و أخد وسام الرياضه المصرية و اتلقب عالمياً ب ” سباح القرن العشرين ” ومنحه الاتحاد الدولي لمحترفى السباحة الطويله لقب أعظم سباح🏊🏊 فى التاريخ .. واتسمى على اسمه شاطئ من اشهر الشواطئ فى اسكندرية بمنطقة سيدى بشر .. هو ((شاطئ ابو هيف)) .لكن كمان فى عندنا ابطال تانيين 💪💪لازم يكون ليهم الحق فى تخليد اسمائهم وحابين نعرف كل متابعينا تاريخ الابطال دول.تاني ابطالنا هو البطل اسحاق حلمى اللى مارس كرة القدم والفروسية وانتهت مسيرته الرياضية بالسباحة .. واطلق عليه عميد السباحين المصريين وكان أول سباح مصرى يعبر المانش 🏊🏊.. والإنجليز سموه فرعون النيل وبالمناسبة هو المثل الاعلي واللى ساعد السباح عبد اللطيف أبو هيف فى مشواره الرياضى.تالت ابطالنا البطلة إيناس حقى🏊🏊 (عروس النيل) وهى أول سباحة مصرية تفوز بلقب بطلة العالم الأولى فى سباحة المسافات الطويلة للفتيات فى فرنسا سنة 1955 وبالمناسبة هى والدة البطلة عبلة خيرى أول مصرية تعبر المانش سنة 1974 وصاحبة الرقم القياسي كاصغر سباحة تعبر المانش فى عمر ١٣ سنة ولحد النهاردة الرقم ده محدش قدر يحطمه وايناس حقى كمان زوجة عادل خيري إبن المسرحى العظيم بديع خيرى . نيجي بقى لسبب تغيير اسماء الشواطئ دى كل الحكاية إن إسم السباح ابوهيف كان علي تلات شواطئ زى أبو هيف ١ و٢ و٣ وده كان بيعمل مشكلة كبيرة وخاصة عند توقيع الغرامات وتحصيلها على الشاطئ .. ولخبطة اكبر للمصطافين خاصة لما توصف لحد وتقوله عند شاطئ أبو هيف فا يرد يقولك انهى واحد فيهم عشان كدا اتغيرت اسماء الشواطئ وعشان عندنا ابطال لازم نفتخر بيهم ونخلى اسماؤهم مخلدة على مر العصور ونعرف اكتر تاريخ ابطالنا .