يا
بنرحب بكل متابعينا 🙋🏻♂️
رمضان 🌙 شهر العبادة والكرم والخير اللي بنستناه من السنة للسنة صيام وصلاة وبركات 📿
🌙 📿 وكلمة {{رمضان}} اللي هنتكلم عنها النهاردة وفي بداية الشهر الكريم و أصل تسميته له اكتر من تفسير،،،
📿 أول تفسير بيقول انها جاية من كلمة {{ الرَّمَضُ }} وده في اللغة العربية الفصحى يعني الحر الشديد عشان كدة الحجارة والرمل اللي في الصحراء بتكون حامية من الشمس بيتقال عليها {{الرمضاء}} من تأثير حرارة الشمس عليهم
👳تاني تفسير بيقول ان العرب كانوا بيسموا الشهور زمان أيام الجاهلية الأولي حسب أحوال الطقس والمناخ وعشان كدة اتقال رمضان من شدة الحر فيه وقتها واتقال {{واكب رَمَضِ الحرّ وشدّته أيامه}} وده التفسير المنتشر
📋تالت تفسير ان الصايم في شهر رمضان {{بيرمَض}} بيصيبه الحر من شدة العطش ويقال ان ده اكتر تفسير مطابق لتسمية الشهر الكريم رمضان بالإسم ده
💬 في تفسير تاني بيقول ان مفيش ارتباط بين الحر وشهر رمضان لأنه بيجي في شهور مختلفة و أوقات مختلفة في السنة و ده لأنه من الشهور القمرية ويقال ان المقصود بالرمض هنا هو {{الرمضاء يعني حر العطش مش الصيف}} و كلمة حران في اللغة العربية الفصحى معناها ظمآن عطشان ومعنى ده ان العطش بيكون في اي وقت في السنة
🕌 ولأن رمضان ارتبط بالعبادة والصيام يقال انه اتسمى رمضان لإنه بيحرق الذنوب والقلوب بتاخد فيه حرارة من الموعظة والكلام عن الآخرة وده تفسير إسلامي ارتبط بشهر رمضان 🌙 📿
أخيرا كل عام وحضراتكم بخير ومبارك عليكم الشهر الفضيل🤲
📿🌙 رمضان كريم 🌙 📿
Hits: 1