⁉️ومين ينسى دوري الكورة الليلي…
خصوصًا في شهر رمضان عندنا في الإسكندرية؟
⚽️أشهر دورة رمضانية باسم دوري الفلكي، في الغيط الصعيدي بـ محرم بك…
تعالي أحكيلِك عنها 👇
⚽️الحكاية مش مجرد كورة، دي ذاكرة عمرها حوالي 50 سنة.
ساحة كانت في الأصل أرض فاضية، ولاد المنطقة فيها بيلعبوا كرة شراب، بعوارض خشب، وحلم كبير. سنة 1976 اتحولت الحكاية لدورة رمضانية حقيقية، أسسها محبي الكورة، وكبرت سنة ورا سنة لحد ما بقت مدرسة كروية خرّجت نجوم.
⚽️من هنا طلع لاعيبة تقال…
لاعيبة لعبت في الدوري الممتاز، ومنهم اللي لبس تيشيرت المنتخب، زي أحمد الكاس، شادي محمد، أحمد ساري، وغيرهم كتير من نجوم الاتحاد السكندري والأوليمبي والكروم.
والسحر؟
⚽️إنك تشوف أجيال ورا أجيال، من 12 سنة لحد فوق الـ60 سنة، كلهم بيلعبوا في نفس المكان، بنفس الشغف.⚽️⚽️
12 مجموعة، أعمار مختلفة، وكورة بجد… وفي الآخر كاس باسم الدورة، وجايزة أحسن لاعب، وتكريم يليق بالشهر الكريم.
⚽️🌙الدورة دي شهدت لحظات تاريخية…
الكابتن محمد لطيف حضر وعلّق على الماتشات، واتلعب عليها ماتش منتخب مصر للسيدات.
وحتى الفن كان حاضر…
⚽️🌙الفنان عادل إمام زار الدورة بنفسه وهو بيحضّر لفيلم الحريف، علشان يعيش الأجواء على الطبيعة.
وسميت “الفلكي” وفاءً لاسم الكابتن الراحل السيد الفلكي❤️، صاحب فكرة البداية، واللي اسمه لحد النهارده عايش في قلوب كل اللي لعبوا واتفرجوا وضحكوا وهتفوا في ليالي رمضان.
⚽️🌙دوري الفلكي مش بطولة…
ده طقس رمضاني، ولمة ناس، وفرحة، ونَفَس إسكندراني أصيل.
🌙⚽️رمضان من غيره؟
كان هيبقى ناقص حاجة كبيرة
⚽️⚽️⚽️⚽️⚽️⚽️⚽️⚽️⚽️
قولنا عن ذكرياتك فى دورى الكوره فى منطقتك ⁉️وهل شاركت فى دوره الفلكي🌙⚽️
Hits: 1