حكاية كحك العيد
كلمة (كحك) مصرية ومن جدر مصري أصلي
أصالة كلمة (كحك) و تصريفة (كعك)؛ مفيش فيها خلاف
يقولوا (شامي), يقولوا (تركي), كلهم نقشوه من مصر
أصل الكحك قربان شعبي جماعي فـي أعياد (رع) وفضلت آثاره فـي نقش أشعة الشمس علي الكحك
مقبرة النبيل (رخمي-رع) هتلاقي المصريين القدماء وهم بيعملوا الكحك بأنواعه بعسل النحل والتمر وشايلين الصاجات
من الكتابة الهيروغليفي:
كحا-ك = تقدمة الخبازين/ صدقات وقرابين الخبازين
يعني الكحك مش مجرد قرص أو حاجة حلوة, العمل الجماعي أساس قرابين الكحك
كحك = كحك العيد, ومعناه المنقوش, بشكل قرص الشمس فـ وسطه علامة (حتب)
آلاف السنين بنعمل الكحك فـي العيد, من أعياد (رع) و(حورس), لأعياد (الفصح) و(الفطر)!
عمل الكحك فـي البيوت من رموز الهوية المصرية
يا كحك العيد يا احنا .. يا بسكويت يا احنا .. يا شربتات يا احنا .. فـ الكوبايات يا احنا .. سكر نبات يا احنا .. يا بلح بريمو يا احنا .. يتباع بالكيلو يا احنا .. هيصة ولمة هيصة .. الخالة والعمة هيصة .. يا معيدين يا احنا .. ويا كحك العيد يا احنا .. يا بسكويت يا احنا …
وكل سنة وانتم طيبين ومصر بخير
منقول